অসম লাইভ২৪ঃ ৭ বছৰৰ অন্তত ভাৰতৰ মাটিত ভৰি দিছে পাকিস্তানৰ ক্ৰিকেট দলে৷ ভাৰতত উপস্থিত হোৱাৰ পাছতেই এটাৰ পাছত আনটো বিষয়ক লৈ চৰ্চা চলিছে৷ ভাৰতৰ মাটিত ভৰি নিদিয়াৰ প্ৰতিজ্ঞা কৰাৰ পাছতো ভাৰতত উপস্থিত হ’বলগা যন্ত্ৰণাইয়ো চুই গৈছে দলৰ সদস্যক৷ ইয়াৰোপৰি ভৰতত ভৰি দিওঁতে তেওঁলোক জনোৱা অভ্যৰ্থনাৰ কল্পনা তেওঁলোকে কোনোকালেই কৰিব পৰা নাছিল৷ ইমান সাদৰ সম্ভাষণ লাভ কৰিব বুলি ভাৱিবই পৰা নাছিল দলটোৱে৷ ভাৰতত ভৰি দিসয়েই মুগ্ধ হৈ পৰিছে পাকিস্তানৰ খেলুৱৈসকল৷ প্ৰতিজন পাক ক্ৰিকেটাৰেই এতিয়া ভাৰতৰ প্ৰশংসাত পঞ্চমুখ৷ কিন্তু এই আতিথ্যৰ মাজতো কেইটামান বিষয়ক কেন্দ্ৰ কৰি অসন্তুষ্ট দলটো৷
কোন দেশত খেল অনুষ্ঠিত হৈছে সেয়া ডাঙৰ কথা নহয়৷ প্রধান কথা হৈছে দলটোক কেনেকৈ খাদ্য যোগান ধৰা হয়৷ কাৰণ প্ৰতিখন প্লেটতেই ডায়েট মেনু পৃথক পৃথক থাকে৷ পাকিস্তানৰ ক্ৰিকেটাৰৰ ভাৰতীয় ক্ৰিকেটাৰৰ সৈতে ডায়েট মেনু সম্পূৰ্ণ পৃথক৷ ফলত খেলৰ সময়ছোৱাত পাকিস্তানৰ দলটোক ভাৰতত কি কি খাদ্য যোগান ধৰা হ’ব সেই কথাই জানিব বিচাৰিছে এতিয়া প্ৰতিজন লোকেই৷ সূত্ৰৰ খবৰ অনুসৰি বাবৰ আজমৰ দলটোৰ ডায়েটত এইবাৰ পাকিস্তানৰ খেলুৱৈয়ে বিচৰাধৰণৰ সকলো আহাৰ নাথাকিব৷ হায়দৰাবাদত দলটোক স্বাগত জনোৱাৰ পাছতেই খাদ্যগ্ৰহণৰ বাবে বিশেষ ৰাজকীয় হোটেললৈ দলটোক লৈ যোৱা হয়৷ কিন্তু কি আছিল সেই হোটেলৰ খাদ্যৰ মেনুত?
সূত্ৰৰ খবৰ অনুসৰি দলটোক হায়দৰাবাদৰ বিশেষ হোটেলত বিফ যোগান ধৰা নহ’ল৷ ইয়াৰোপৰি পাকিস্তানৰ দলটোৱে ভাৰতত থকালৈকে ডায়েট লিষ্টত এদিনো বিফ নাথাকিব৷ বিশ্বৰ যি দেশৰেই খেলুৱৈ নাহক কিয় কাকোৱেই বিফ দিয়া নহ’ব৷ পাকিস্তানৰ দলটোও ইয়াৰ মাজত ব্যতিক্ৰম নহয়৷ তেওঁলোকক প্ৰটিনৰ বাবে চিকেন, মটন আৰু মাছ দিয়া হ’ব৷ ইয়াৰোপৰি থাকিব ভেড়াৰ মাংস, খাহীৰ মাংস, বাটাৰ চিকেন আৰু গ্ৰীলড ফিছ থাকিব৷ প্লেয়াৰসকলৰ কাৰ্বহাইড্ৰেটৰ কোটা পুৰণৰ বাবে দিয়া হ’ব বাছমতি চাউলৰ ভাত, স্পেগেটি আৰু ভেজ পোলাও৷ জনপ্ৰিয় হায়দৰাবাদী বিৰিয়ানীও আছে তেওঁলোকৰ ডায়েটত৷ ৬ অক্টোবৰত পাকিস্তানৰ নেদাৰলেণ্ডৰ বিৰুদ্ধে মেচখন আছে৷ মূল খেলখনৰ পূৰ্বে পাকিস্তান দলটোৱে দুখনকৈ ৱাৰ্মআপ মেচ খেলিব৷ প্ৰথমে প্ৰতিপক্ষ নিউজিলেণ্ড আৰু তাৰপিছতেই অষ্ট্ৰেলিয়াৰ বিৰুদ্ধে খেলত নামিব দলটো৷ ৬ অক্টোবৰত পাকিস্তানে নেদাৰলেণ্ডৰ বিৰুদ্ধে মূল মেচখন খেলিব৷ খেলৰ বাবে ভাৰতত উপস্থিত হৈছে বাবৰ আজম, ছাদাৰ খান, ইমাম উল হক, আব্দুল্লা ছাফিক, ছাউদ ছাকিল, ইফতিকাৰ আহমেদ, ছালমান আলি আঘা, মহম্মদ নাৱাজ, উছমা মীৰ, হেৰিছ ৰউফ, হাছান আলি, শ্বাহিন আফ্ৰিদি, মহম্মদ ৱাছিম৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
