অসম লাইভ২৪ঃ চিকিৎসা বিজ্ঞান, পদাৰ্থবিজ্ঞান, ৰাসায়ন বিজ্ঞানৰ পাছত এইবাৰ ঘোষণা হ’ল সাহিত্যত নোবেলজয়ীৰ নাম৷ এইবৰ্ষত সাহিত্যত নোবেল সন্মান লাভ কৰিবলৈ সক্ষম হৈছে জন ফছে৷ যিসকলক সমাজে এঘৰীয়া কৰি ৰাখে তেনে বিষয়বস্তুক লৈয়েই নাটক আৰু গদ্যধৰ্মী সাহিত্য ৰচনা কৰিছে জন ফছে৷ ১৯০১ চনৰ পৰা বিশ্বত নোবেল পুৰস্কাৰ দিয়াৰ পৰম্পৰা আৰম্ভ হৈছে৷
চলিত বছৰতেই জন ফছৰ এখন উপন্যাস প্ৰকাশিত হৈছিল৷ তেওঁৰ উপন্যাসৰ নাম হৈছে, ‘ফছ মিনিমালিজম’৷ এইখন তেওঁ লিখা দ্বিতীয় উপন্যাস৷ ১৯৮৫ চনত নোবেলজয়ী জন ফছৰ প্ৰথমখন উপন্যাস প্ৰকাশিত হৈছিল৷ তেওঁৰ প্ৰথমখন উপন্যাসৰ নাম হৈছে ‘ৰেড এণ্ড ব্লেক’৷
জন ফছেকে তেওঁৰ প্ৰথম উপন্যাস ৰেড এণ্ড ব্লেকত আত্মহত্যাৰ দৰে এটা গভীৰ আৰু সংবেদনশীল বিষয়ৰ বৰ্ণনা দাঙি ধৰিছিল৷ বৰ্তমানলৈকে ১২০গৰাকী লোকে সাহিত্যত নোবেল বঁটা লাভ কৰিছে৷ ইয়াৰে মাজত ১৯গৰাকীয়েই হৈছে মহিলা৷ এই পুৰস্কাৰ বিজয়ী বিজয়ীকেইজনে নগদ ৮.৩৩ কোটি টকা আৰু এটা সোণৰ পদক লাভ কৰে। জন ফছেও এই ধনৰাশি আৰু বিশেষ পদক লাভ কৰিব৷ নোবেল ঘোষণাৰ পিছত জনে কয়, ‘মই বহুত সুখী। মই ভাবো এই পুৰস্কাৰ সাহিত্যৰ বাবে দিয়া হৈছে গতিকে এই কথাই প্ৰমাণ কৰে এই সংবেদনশীল বিষয়টোও সাহিত্যৰ মাজৰেই এক বিষয়বস্তু৷
নবেল বঁটা বিজয়ী জন ফছ কোন?
জনৰ জন্ম ১৯৫৯ চনত নৰৱেত। 7 বছৰ বয়সতেই জন এক ভয়ংকৰ দুৰ্ঘটনাত পতিত হৈছিল। সেই দুৰ্ঘটনাত কথমপি ৰক্ষা পৰিছিল জন৷ তেওঁৰ লেখাৰ ওপৰত এই বিষয়ৰো প্ৰভাৱ আছে৷ জনৰ প্ৰথমখন উপন্যাস ৰেড-ব্লেক ১৯৮৩ চনত প্ৰকাশিত হৈছিল৷ তেওঁ লিখা প্ৰথমখন গ্ৰন্থ ৪০টাতকৈয়ো বেছি ভাষাত অনুবাদ হৈছে৷ এজন লেখক হিচাপে পৰিচিত হোৱাৰ পূৰ্বে জনৰ সংগীতৰ প্ৰতিও বিশেষ ধাউতি আছিল৷ তেওঁ নিজেই গীত লিখি সেই গীতত সুৰো প্ৰদান কৰিছিল৷ ডেইলী টেলিগ্ৰাফে জন ফছক বিশ্বৰ ১০০জন প্ৰতিভাধৰ ব্যক্তিৰ তালিকাত ৮৩ তম স্থানত ৰাখিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
