ডিজিটেল ডেস্কঃ নাম নোলোৱাকৈ আলফা সেনাধ্যক্ষ পৰেশ বৰুৱাক ঘৰ আৰু অফিচলৈ মুকলি নিমন্ত্ৰণ দিলে অসম আৰক্ষী সঞ্চালক প্ৰধান জি পি সিঙে। শেহতীয়াকৈ ৰাজ্যত ধাৰাবাহিক কেইবাটাও গ্ৰেণেড বিস্ফোৰণৰ পাছত নিজৰ প্ৰতিক্ৰিয়া প্ৰকাশ কৰি সঞ্চালক প্ৰধানগৰাকীয়ে কয়- আই অসমীক ভাল পাও বুলি কৈ এনে নিকৃষ্ট কাম কৰাৰ আঁৰত কি লক্ষ্য থাকিব পাৰে মই বুজা নাই। মই জনাত আই অসমীক ভাল পোৱা লোকে এনে কাম কৰিব নোৱাৰে।
জি পি সিঙে লগতে আলফা স্বাধীনৰ নাম নোলোৱাকৈ কয়- তেওঁলোকৰ সমস্যাটো কত, সেইটো মই বুজি পোৱা নাই। তেওঁলোকৰ সমস্যাটো যদি মই তেন্তে মোক পোনপতীয়াকৈ লগ ধৰক। মোৰ ঘৰ কাহিলীপাৰাত আৰু অফিচ উলুবাৰীত। তেওঁলোকে যদি মোক লৈ যদি কষ্ট নাইবা ভয় খাইছে মোৰ ওচৰলৈ আহিলেই হল। বাকী যিখিনি কথা আছে তেওঁলোকে চৰকাৰৰ লগত আলোচনা কৰক। কিন্তু মই যিহেতু আইন-শৃংখলাৰ সৈতে জড়িত হৈ আছো, গতিকে মই মোৰ নিজৰ কাম কৰিমেই।
উল্লেখ কৰা প্ৰয়োজন যে, আগন্তুক সময়ত সন্ত্ৰাসবাদৰ বিৰুদ্ধে অধিক কঠোৰ হোৱাৰ ইংগিত প্ৰদান কৰিলে অসম আৰক্ষীৰ সঞ্চালক প্ৰধান গৰাকীয়ে। আগন্তুক সময়ত অসম আৰক্ষীয়ে এই দিশটোত অধিক গুৰুত্ব প্ৰদান কৰিব বুলিও কয় অসম আৰক্ষী সঞ্চালক প্ৰধান জি পি সিঙে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
