ডিজিটেল ডেস্কঃ বিহু বুলিলেই আপোন ঘৰখনলৈ কাৰনো মনত নপৰে! বিহু বুলিলেই ঘৰৰ সকলোৰে সৈতে এসাজঁ খাবলৈ কাৰনো মন নাযায়! তাতে ভোগালী বিহুত সকলোৰে সৈতে আনন্দ-স্ফূৰ্তি কৰাৰ মজাই বেলেগ। পৰিৱেশ-পৰিস্থিতিত পৰি বহুজনে বিহুৰ এনে আনন্দৰ পৰা বঞ্চিত হ’বলগীয়া হয়। কিন্তু তাৰমাজতেই বিহুবলীয়া অসমীয়াই বিহুত উৰা মাৰে ঘৰলৈ বুলি।
ভোগালীৰ উৰুকাত প্ৰতিবাৰৰ দৰে এইবাৰো খালী হৈ পৰিল গুৱাহাটী। সদাব্যস্ত গুৱাহাটীৰ প্ৰতিটো ৰাজপথ আজি উদং। নাই কোনো ব্যস্ততা, নাই গাড়ী-মটৰৰ হাল্লা। এয়া গুৱাহাটীৰ চানমাৰীৰ দৃশ্য। গাড়ী-মটৰৰে ভৰি থকা চানমাৰীৰ ৰাস্তা আজি তেনেই উদং-
কেৱল চানমাৰীয়েই নহয়! প্ৰতিদিনেই ট্ৰেফিক জামত হাৰাশাস্তি খোৱা জি এছ ৰোডো আজি তেনেই খালী। ট্ৰেফিক জামত গাড়ী চলাব নোৱাৰা জি এছ ৰোডত আজি ফিৰফিৰাই সকলোৱে চলাইছে বাহন।
ছয়মাইল, খানাপাৰা, গণেশগুৰি, পাণবজাৰ আদি স্থানটো পূৰ্বৰে নাই মানুহৰ ভিৰ। চৰকাৰী-বেচৰকাৰী সকলো কৰ্মচাৰী নিজৰ কাম সামৰি ঘৰাঘৰি হৈছে। ৰাজগড়ৰ সদাব্যস্ত পথটোও আজি অকলশৰীয়া যেন অনুভৱ হৈছে-
এইদৰেই এতিয়া গুৱাহাটীখন ভোগালীৰ উৰুকাৰ দিনটোত একেবাৰে খালী হৈ পৰিছে। বিভিন্ন উতসৱ -পাৰ্বনত ভিৰ হৈ থকা গুৱাহাটীখন বিহুৰ বতৰত পৰম আশাৰে সকলো উভটিছে ঘৰলৈ…
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
