৫ বজালৈকে ক’ত, কিমান হ’ল ভোটগ্ৰহণ, দেশৰ ভিতৰতে সৰ্বাধিক ভোটদান অসমৰ এইখন চুবুৰীয়া ৰাজ্যত…
লোকসভা নিৰ্বাচনৰ প্ৰথম পৰ্যায়ৰ ভোটগ্ৰহণ প্ৰক্ৰিয়া ইতিমধ্যে সমাপ্ত। পুৱাৰে পৰা ভোটকেন্দ্ৰসমূহত দেখা গৈছিল ভোটাৰৰ দীঘলীয়া শাৰী। নিজৰ গণতান্ত্ৰিক অধিকাৰ সাব্যস্ত কৰিবলৈ ওলাই আহিছিল জনতা।
অসমৰ ৫টা সমষ্টিত আজি অনুষ্ঠিত হৈছে ভোটগ্ৰহণ। যোৰহাট, ডিব্ৰুগড়, শোণিতপুৰ, লখিমপুৰ আৰু কাজিৰঙা সমষ্টিত আজি অনুষ্ঠিত হৈছে ভোটগ্ৰহণ। বহু ঠাইত ইভিএমৰ বিসংগতি হ’লেও অসমৰ সমষ্টিসমূহত শান্তিপূৰ্ণভাৱে অনুষ্ঠিত হৈ যায় আজিৰ প্ৰথম পৰ্যায়ৰ ভোটগ্ৰহণ প্ৰক্ৰিয়া।
নিৰ্বাচন আয়োগৰ তথ্য অনুসৰি বিয়লি ৫ বজালৈকে অসমত ৭০ শতাংশৰো অধিক ভোটদান সম্পন্ন হয়। নিৰ্বাচনী আয়োগৰ ফালৰ পৰা প্ৰকাশিত তথ্য অনুসৰি অসমত ৭০.৭৭ শতাংশ ভোটদান সম্পন্ন হৈছে।
আজিৰ প্ৰথম পৰ্যায়ৰ ভোটদানৰ তথ্য অনুসৰি বিহাৰত সৰ্বনিম্ন ভোটদান সাব্যস্ত কৰে জনসাধাৰণে। তাৰ বিপৰীতে পশ্চিমবংগত সৰ্বাধিক ভোটাধিকাৰ সাব্যস্ত হয়।
ইয়াৰ বাহিৰে দেশৰ অন্য ৰাজ্য সমূহৰ প্ৰকাশিত তথ্য এনেধৰণৰ- আন্দামান আৰু নিকোবৰত ৫৬.৮৭ শতাংশ, অৰুণাচল প্ৰদেশত ৬৪.০৭ শতাংশ, বিহাৰত ৪৬.৩২ শতাংশ, ছত্তিশগড়ত ৬৩.৪১ শতাংশ, জম্মু আৰু কাশ্মীৰত ৬৫.০৮ শতাংশ, লক্ষাদ্বীপত ৫৯.০২ শতাংশ, মধ্যপ্ৰদেশত ৬৩.২৫ শতাংশ, মহাৰাষ্ট্ৰত ৫৪.৮৫ শতাংশ, মণিপুৰত ৬৮.৬৩ শতাংশ, মেঘালয়ত ৬৯.৯১ শতাংশ, মিজোৰামত ৫৩.৯৬শতাংশ, নাগালেণ্ডত ৫৬.৫৩ শতাংশ, পুডুচেৰীত ৭২.৮৪ শতাংশ, ৰাজস্থানত ৫০.২৭ শতাংশ, ছিকিমত ৬৮.০৬ শতাংশ, তামিলনাডুত ৬২.০২ শতাংশ, ত্ৰিপুৰাত ৭৬.১০ শতাংশ, উত্তৰ প্ৰদেশত ৫৭.৫৪ শতাংশ, উত্তৰাখণ্ডত ৫৩.৫৬ শতাংশ আৰু পশ্চিমবংগত ৭৭.৫৭ শতাংশ ভোটাধিকাৰ সাব্যস্ত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
