প্ৰেমক বহুতেই এতিয়া এক তিক্ত অভিজ্ঞতা বুলি দাবী কৰে। কিন্তু প্ৰেমেই জীৱনৰ চালিকা শক্তিও। প্ৰেম মসৃণ হৈ থকালৈকে সকলোবোৰ ভাল লাগিলেও যেতিয়া জটিলতা আহে তেতিয়া বহুতৰ জীৱনেই অন্ধকাৰ হৈ পৰে। অনুভূতিবোৰৰ বাবেই বহুতে চৰম সিদ্ধান্ত পৰ্যন্ত লৈ পেলাই। বহু সময়ত আকৌ এজন ব্যক্তিয়ে দুগৰাকী সংগী গোটাইয়ো বিপদত পৰে। একেসময়তে এগৰাকী ব্যক্তিৰ দুজন সংগী হৈ পৰাটোক সমাজে নাম দিয়ে পৰকীয়া। তেনে পৰিস্থিতিৰ মুখামুখি বহুজনেই প্ৰায়েই হৈ থাকে। বহু পুৰুষৰ বা নাৰীৰ একেসময়তে দুগৰাকী ব্যক্তিক ভাল লগাও হৈ পৰে। এয়া অস্বাভাৱিক কোনো ঘটনা নহয়। প্ৰকৃততে সম্পৰ্কত থকাৰ সময়ত কেতিয়াবা এগৰাকী সংগীৰ সৈতে মতভেদ আহিলে আন কোনো মনে মিলা মানুহ সংগী হৈ পৰে অথচ পুৰণি সংগীকো এৰিব নোৱাৰা অৱস্থা আহে। তেনে পৰিস্থিতি আহিলে আপুনি কি কৰিব। কাক আপোনৰ কাষত ৰাখি কাক বিদায় দিব? সিদ্ধান্ত লোৱাৰ পূৰ্বে এই ৫টা কথাত গুৰুত্ব দিয়াটো খুবেই প্ৰয়োজন।
আপোনাৰ কথা কোনে ভাৱে?
দুগৰাকী ব্যক্তিৰ মাজত কোনগৰাকী ব্যক্তিয়ে আপোনাৰ ভাল বেয়াৰ খবৰ ৰাখে সেই বিষয়ত নজৰ দিয়ক। তেতিয়াই আপুনি বহু প্ৰশ্নৰ উত্তৰ লাভ কৰিব। যিয়ে আপোনাৰ যত্ন লয়, আপোনাৰ সিদ্ধান্তৰ সৈতে যাৰ মতৰ মিল থাকে, যাৰ সৈতে ভাল-বেয়া সকলোবোৰ কথাই মুকলিকৈ পাতিব পাৰে তেওঁকেই কাষত ৰাখিব পাৰে। তেতিয়াই ভুল মানুহগৰাকীৰ ছবি আপোনাৰ মন মগজুৰ পৰা লাহে লাহে আঁতৰি যাব।
বুদ্ধিৰে বিবেচনা কৰক
মনৰ মানুহগৰাকী চিনি উলিয়াবলৈ আপুনি কিছু পৰিমানে বুদ্ধিয়কো হব লাগিব। সতৰ্কও হব লাগিব। কোনো শান্ত স্থানত বহি বৰ্তমানৰ পৰিস্থিতিক বিবেচনা কৰক। সামগ্ৰিক ঘটনা পৰিঘটনাসমূহ জুঁকিয়াই চাওক। নিজৰ ভুলসমূহো ভাৱক। এইসমূহ ভৱাৰ পাছতহে এগৰাকী সংগী নে দুগৰাকীয়েই প্ৰয়োজন সেই সিদ্ধান্ত লওক।
কাৰ কথা মনলৈ বাৰে বাৰে আহে
আপুনি অন্যমনস্ক হৈ থাকোতে কাৰ ছবি মন মগজুত ঘূৰি থাকে সেই কথাও ভাৱক। প্ৰয়োজনত কাষৰ বন্ধুৰ সৈতেও আলোচনা কৰক। যি আপোনাৰ চিন্তাত প্ৰতিক্ষণেই থাকে তেওঁকেই আঁকোৱালি লওক।
পাৰস্পৰিক শ্ৰদ্ধাবোধ আছেনে
দুজন পুৰুষ বা দুগৰাকী নাৰীত মন দিছে কিন্তু এই দুগৰাকীৰ মাজত আপুনাৰ প্ৰতি কাৰ শ্ৰদ্ধাবোধ বেছি সেই বিষয়টো জুঁকিয়াই চাওক। সম্পৰ্ক এটাৰ পাৰস্পৰিক শ্ৰদ্ধাবোধ খুবেই জৰুৰী।
ভৱিষ্যতৰ কথাও ভাৱক
আপুনি কাৰ সৈতে ভৱিষ্যতৰ সপোন দেখিলে বিপদ নহয় সেই কথাও ভাৱক। যদি সঠিক মানুহৰ সন্ধান কৰিছে তেন্তে ভৱিষ্যত পৰিকল্পনা থকাটোও খুবেই জৰুৰী। কাৰণ স্বচ্ছ কমিউনিকেশ্ব্যনেই আপোনাৰ সম্পৰ্কক আৰু অধিক সুন্দৰভাৱে গঢ়ি তুলিব। মনত ৰাখিব সম্পৰ্ক ভালে ৰখাৰ বাবে প্ৰথমেই এজনে আনজনৰ মাজত স্বচ্ছতা দেখা পোৱাটোও জৰুৰী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
