থিতাতে নিহত ৪, আহতৰ সংখ্যা ২০ৰো অধিক, ৰাষ্ট্ৰীয় ঘাই পথত ভয়ংকৰ পথ দুৰ্ঘটনা
ট্ৰাকে প্ৰচণ্ড জোৰে এখন কেণ্টাৰত খুন্দা মৰাৰ ফলত ঘটনাস্থলীতে প্ৰাণ হেৰুৱাই ৪ গৰাকী লোকে। ইয়াৰ বাহিৰে ২০ৰ অধিক লোক আহত হয়। নয়দাৰ ইষ্টাৰ্ন পেৰিফেৰেল এক্সপ্ৰেচ ৱেত সংঘটিত হৈছে এই দুৰ্ঘটনাটো।
কালি মাজ নিশা এখন টেংকাৰত পিছফালৰ পৰা ট্ৰাক এখনে খুন্দা মৰাৰ ফলতে এই শোকাৱহ দুৰ্ঘটনাটো সংঘটিত হয়। ২০ ৰো অধিক লোক আহত। আৰক্ষীয়ে স্থানীয় লোকৰ সহযোগত আহত সকলক ততাতৈয়াকৈ উদ্ধাৰ কৰি নিশাই নিকট হাস্পতালত ভৰ্তি কৰায়।
আহত সকলৰ ভিতৰত ৯গৰাকী লোকৰ অৱস্থা সংকটজনক বুলি জানিব পৰা গৈছে। সেই ৯ গৰাকীক দিল্লীৰ ছফদৰ্জংগ হাস্পতালত ভৰ্তি কৰোৱা হৈছে। আনহাতে মৃতদেহবোৰ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰা হৈছে।
আৰক্ষীৰ পৰা ঘটনা সন্দৰ্ভত জানিব পৰা অনুসৰি. টেংকাৰখন হাৰিয়ানৰ পৰা উত্তৰ প্ৰদেশলৈ গৈ আছিল । দুৰ্ঘটনাৰ সময়ত টেংকাৰখনত ৩৫ গৰাকী যাত্ৰী আছিল। তাৰে অধিকাংশই মহিলা আৰু শিশু আছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
