বিগত সোমবাৰে অৰ্থাৎ ১৯ জুন তাৰিখে আছিল ঈদ উল আজাহা বা কুৰবানি ঈদ৷ কুৰবানি ঈদত মুছলমান ধৰ্মাৱলম্বীসকলে ছাগলী বা গৰু কোৰবানী বা বলি দিয়ে৷ দেশজুৰি কেইবালাখ গৰু, ছাগলী এই ঈদত বলিও দিয়া হৈছে৷ ঈদৰ দিনাই এইবাৰ এগৰাকী চাৰ্টাৰ্ড একাউণ্টেন্ট খুবেই ভাইৰেল হৈ পৰিছে৷ দিযয ২৯ বছৰীয়া দিল্লীৰ চাৰ্টাৰ্ড একাউণ্টন্টেতগৰাকীয়ে লগত এজন বন্ধু হৈ দিল্লীত ছাগলী ক্ৰয় কৰিবলৈ উলাই গৈছিল৷ অল্ড দিল্লীৰ বিভিন্ন বজাৰত ঘূৰি ফুৰি ১২ লাখ টকা খৰচ কৰি ১২৮ টা ছাগলী ক্ৰয় কৰিছিল৷ কিন্তু বলি দিয়াৰ বাবে নহয়৷ বৰং ছাগলীকেইটাক যাতে কোনোৱে বলি দিব নোৱাৰে তাৰবাবে উত্তৰপ্ৰদেশৰ বাঘপতৰ এক বিশেষ স্থানত ছাগলী কেইটা পঠিয়াই দিয়া হৈছে৷
এই উদ্যোগৰ মূল হোতা হৈছে বিবেক জৈন৷ দিল্লীৰ এইগৰাকী চাৰ্টাৰ্ড একাউণ্টণ্টেন্ট জৈন ধৰ্মাৱলম্বী৷ জৈন ধৰ্মৰ মূল উদ্দেশ্যই হৈছে, ‘নিজে জীয়াই থাকা আনকো জীৱন দিয়া৷’ এই দৰ্শনক সন্মুখত ৰাখিয়েই বিবেক ওলাই আহিছিল ঈদৰ দিনা৷ নিজৰ সামৰ্থৰে তেওঁ যিমানপাৰে সিমান ছাগলীৰ জীৱন সেইদিনা ৰক্ষা কৰিছিল৷ তেওঁৰ হাতত জমা থকা ধনেৰে তেওঁ খুব বেছি ৬-৭টা ছাগলী ৰক্ষা কৰিব পাৰিলেহেতেন৷ কিন্তু তেওঁ সেই কাম অকলে নকৰি বন্ধুৰ সহায় খোজে৷ বন্ধুসকলে তেওঁৰ উদ্দেশ্যৰ কথা জানি সহায় কৰিবলৈকো আগুৱাই আহে৷ ইয়াৰপাছতেই ৱাটছআপ গ্ৰুপ খুলি কোনে কিমান সহায় কৰিব তাৰবাবে বিশেষ ফাণ্ডিঙৰো ব্যৱস্থা গঢ়ি তোলে৷ লগে লগেই তেওঁলোকৰ হাতত জমা হয় ১৭ লাখ টকা৷
বিবেকহঁতৰ দলটো সকলোধৰণে সাজু হ’লেও সন্মুখত অন্য এক বিপদ ৰৈ আছিল৷ বিক্ৰি কৰিবলৈ অনা ছাগলীসমূহ বিক্ৰেতাই মুছলমান লোককহে বিক্ৰি কৰিব৷ অৱশেষত তেওঁলোকে মুছলমানৰ ভেশ ধৰি সেই ছাগলীসমূহ ক্ৰয় কৰে৷ কাৰণ তেওঁলোকৰ উদ্দেশ্যৰ কথা জানিলে মুছলমান লোকসকলৰ ধৰ্মীয় আৱেগত আঘাতো লাগিব পাৰে৷ কোনো যাতে এই কামৰ দ্বাৰা আঘাতপ্ৰাপ্ত নহয় তাৰবাবে তেওঁলোকে মুছলমানৰ ভেশ ধৰি ছাগলী ক্ৰয় কৰিবলৈ বজাৰত সোমাই পৰে৷
এই কামৰ বাবে বিবেকে মুঠ ৬জনীয়া এটা দল তৈয়াৰ কৰিছিল৷ প্ৰতিটো দলতে জৈন সম্প্ৰদায়ৰ দুজন লোক আছিল৷ সকলোৱে বগা পাঞ্জাৱী আৰু পায়জামা পিন্ধি জামে মছজিদ, মতিয়া মহল, দৰিয়াগঞ্জ আৰু মিনা বজাৰ এলেকাত প্ৰৱেশ কৰিছিল৷ দৰদাম কৰি মুঠ ১২৮টা ছাগলী তেওঁলোকে ক্ৰয় কৰে৷ মুঠ ১২৮টা ছাগলী ক্ৰয় কৰোতে তেওঁলোকে ব্যয় কৰিব লগা হয় ১০,০০০ টকাকৈ মুঠ ১২৮০০০ টকা৷
উদ্ধাৰ কৰি অনা ছাগলীকেইটাক তেওঁলোকে পোনতে ধৰ্মপুৰৰ জৈন মন্দিৰ ধৰ্মশালালৈ লৈ যায়৷ তাতেই খাদ্য আৰু পানীৰো যোগান ধৰা হয় ছাগলীকেইটাক৷ বিবেক আৰু তেওঁৰ বন্ধুসকলে ছাগলী কেইটাক অৱশেষত এটা বকৰিশালাত ৰখাৰ ব্যৱস্থা গঢ়ি তুলিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
