অসম লাইভ ২৪ঃ জ্যোতিৰ্বিজ্ঞানীসকলে এটাৰ পাছত এটা নতুন গ্ৰহৰ সন্ধান কৰিছে। মাৰ্কিন যুক্তৰাষ্ট্ৰৰ মাছাছুছেটছ ইনষ্টিটিউট অব্ টেকন’ল’জীৰ বিজ্ঞানীয়ে এইবাৰ পৃথিৱীৰ সমান এটা গ্ৰহৰ সন্ধান লাভ কৰিছে। এই নতুন গ্ৰহটো পৃথিৱীৰ সম আয়তনৰ হ’লেও গ্ৰহটো মানুহৰ বসবাসৰ উপযোগী নহয়। জ্যোতিৰ্বিজ্ঞানীয়ে নতুন এই গ্ৰহটিক K-2 315 B হিচাপে চিনাক্ত কৰিছে। গ্ৰহটোক ‘পাই আৰ্থ’ গ্ৰহ হিচাপে অভিহিত কৰিছে। কাৰণ গ্ৰহটিয়ে সূৰ্যক ৩.১৪ দিনেই প্ৰদক্ষিণ কৰিবলৈ সক্ষম। সেইবাবেই এই গ্ৰহটিক ‘পাই আৰ্থ’ গ্ৰহ বোলা হৈছে। গ্ৰহটোৰ গড় তাপমাত্ৰা ৩৫০ ডিগ্ৰী চেলছিয়াছ। গ্ৰহটোৰ অৱস্থান সূৰ্যৰ একেবাৰে ওচৰত হোৱাৰ বাবে গ্ৰহটোৰ তাপমাত্ৰ যথেষ্ট বেছি। সেইবাবে গ্ৰহটোত মানুহ থকাৰ উপযোগী নহয়। উল্লেখযোগ্য যে ২০১৭ চনত নাছাৰ কেপলাৰ স্পে’চ টেলিস্ক’পৰ K-2 মিছনৰ পৰা পোৱা তথ্য ভিত্তিত গ্ৰহটোক চিনাক্ত কৰিবলৈ সক্ষম হৈছে বিজ্ঞানীসকলে। এই গ্ৰহটো ৩১৫তম্ গ্ৰহ। গ্ৰহটোৰ ব্যাসাৰ্ধ পৃথিৱীৰ ব্যাসাৰ্ধৰ ০.৯৫ গুণ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
