এখন দেশৰ ২৩ শতাংশ লোকে মাথো ১ বছৰতে এৰিলে ইছলাম, পৰিসংখ্যাই আচৰিত কৰিছে সকলোকে
ইছলাম বিশ্বৰ ভিতৰতে দ্ৰুতগতিত বৃদ্ধি পোৱা ধৰ্ম। আগন্তুক সময়ত সমগ্ৰ বিশ্বতে মুছলমানৰ সংখ্যা দ্ৰুতগতিত বৃদ্ধি পাব বুলি ফৰ্বছে ভৱিষ্যদ্বাণীয়ো কৰিছে। ২০৫০ চনৰ ভিতৰত মুছলমানৰ সংখ্যা খ্ৰীষ্টানৰ সমান হ’ব বুলি আশা কৰা হৈছে।
কিন্তু এক সন্থাৰ প্ৰতিবেদনে দাখিল কৰা পৰিসংখ্যাই আচৰিত কৰি তুলিছে সকলোকে। পিউ ৰিচাৰ্চে (Pew Research Center) কিছুমান দেশত ইছলাম এৰি যোৱা লোকৰ পৰিসংখ্যা দাঙি ধৰিছে। যিয়ে প্ৰকট কৰে এখন অন্য ছবি।
পিউৱে দাখিল কৰা প্ৰতিবেদন অনুসৰি, প্ৰতি বছৰে ইছলাম এৰি যোৱা লোকৰ সঠিক সংখ্যা অনুমান কৰাটো অতি কঠিন, কাৰণ ধৰ্ম এৰি যোৱাৰ বহু কাৰণ থাকে। সকলো ক্ষেত্ৰতে ৰাজহুৱাভাৱে ৰিপৰ্ট বা নথিভুক্ত কৰা নহয়।
অৱশ্যে ইয়াত কিছু অনুমান আৰু পৰিসংখ্যা দাঙি ধৰা হৈছে। ২০১৯ চনত পিউ ৰিচাৰ্চ চেণ্টাৰৰ এক প্ৰতিবেদন অনুসৰি আমেৰিকাৰ প্ৰায় ১৩ লাখ মুছলমানে ইছলাম ধৰ্ম এৰিছিল। এই সংখ্যা আছিল দেশৰ সকলো মুছলমানৰ প্ৰায় ২৩ শতাংশ।
ইউনাইটেড কিংডমৰ টাইমছ সংবাদ মাধ্যমৰ ২০২০ৰ এক প্ৰকাশিত খবৰ অনুসৰি ব্ৰিটেইনত প্ৰতি বছৰে ১ লাখ লোকে ইছলাম ত্যাগ কৰি আহিছে। ইয়াৰ বাহিৰেও জাৰ্মানী কাকত ডাই ৱেল্টৰ ২০২০ চনৰ প্ৰতিবেদনত অনুমান কৰা হৈছে যে প্ৰতি বছৰে প্ৰায় ১০ হাজাৰৰ পৰা ২০ হাজাৰ মুছলমানে জাৰ্মানীত ইছলাম ধৰ্ম ত্যাগ কৰি আছে।
অষ্ট্ৰেলিয়াতো ইছলাম ধৰ্ম এৰিছে বহু লোকে। ২০১৯ চনত অষ্ট্ৰেলিয়ান ব্ৰডকাষ্টিং কৰ্পৰেশ্যন (এবিচি)ৰ এক প্ৰতিবেদনত অনুমান কৰা হৈছে যে প্ৰতি বছৰে প্ৰায় ১৫০০ মুছলমানে ইছলাম ত্যাগ কৰি আছে। অৱশ্যে এই সকলো তথ্যা আনুমানিক। ইয়াক সম্পূৰ্ণ সঠিক বুলি ধৰিব নোৱাৰি। কাৰণ বিভিন্ন কাৰণত ধৰ্ম ত্যাগ কৰাৰ বহু ঘটনাৰ খবৰ পোৱা নাযায়। সামাজিক বঞ্চনা, পৰিয়ালৰ হেঁচা বা নিৰাপত্তাৰ চিন্তাৰ বাবে সঠিক তথ্য সংগ্ৰহ কৰা নহয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
