বলীউডৰ এইগৰাকী তাৰকাই এটা সময়ত কাৰাগাৰত থাকি দাইলত পৰা মাখি উঠাই পি খাইছিল
বলীউডৰ এগৰাকী অতিকে জনপ্ৰিয় অভিনেতা। নিজৰ বিশেষ অভিনয় দক্ষতাৰে সফলতাৰ শীখৰত আৰোহন কৰিছে। পিতৃ-মাতৃয়ো বলীউডৰ উজ্জল তাৰকা। এটা এটা যুগ হিচাপে খ্যাত দুয়ো পিতৃ-মাতৃ। নিজেও সুনাম গঢ়িছে অভিনয়েৰে।
তাৰ সমান্তৰালকৈ বেয়া কিছুমান অভ্যাসৰ বাবেও খ্যাত এইগৰাকী অভিনেতা। এটা সময়ত এনে আছিল, কাৰাগাৰতো থাকিব লগা হৈছিল অভিনেতাগৰাকী। সেই অভিনেতাগৰাকী হৈছে সঞ্জয় দত্ত। আজি সঞ্জয় দত্তৰ ৬৫ সংখ্যক জন্মদিন।
চলচ্চিত্ৰ জীৱনত ১৮০ খনতকৈও অধিক ছবিত কাম কৰিছে সঞ্জই দত্তই। তেওঁৰ জীৱনটো এখন চিনেমাৰ কাহিনীতকৈও কম নহয়। লগতে বহু উত্থান-পতনৰ সন্মুখীন হৈছে। সঞ্জয় দত্তৰ বাবে আটাইতকৈ কঠিন সময় আছিল যেতিয়া তেওঁক ৫ বছৰৰ কাৰাদণ্ড বিহা হৈছিল।
১৯৯৩ চনত মুম্বাইত সংঘটিত বোমা বিস্ফোৰণত সঞ্জয় দত্তৰ বিৰুদ্ধে অবৈধ অস্ত্ৰ ৰখাৰ অভিযোগ উত্থাপন হৈছিল। তেওঁ য়েৰৱাডা জেলত আছিল। সঞ্জয় দত্তৰ জেলৰ দিনবোৰ বৰ কষ্টকৰ আছিল। এই কথা তেওঁ নিজেই বহুবাৰ প্ৰকাশ কৰিছিল।
কাৰাগাৰত থকাৰ সময়ত এবাৰ সঞ্জয় দত্তৰ দাইলিত মাখি এটা পৰি গৈছিল। পাছে কাৰাগাৰত প্ৰটিন হিচাপে দাইলিৰ বাহিৰে কোনো বিকল্প নাছিল। সেয়ে তেনে মাখি পৰা দাইলকেই মাখি উলিয়াই খাইছিল।
সেই কাৰাগাৰৰ ৰপা ওলোৱাৰ সময়ত হাতত ৪৪০ টকা লৈ ওলাই আহিছিল সঞ্জয় দত্ত। জেলত শাস্তি ভুগি থকাৰ সময়ত তেওঁ কাগজৰ বেগ বনাইছিল। প্ৰতিদিনে কাগজৰ বেগ বনাই লাভ কৰিছিল ৫০ টকা। কাৰাদণ্ডৰ সময়ছোৱাত সঞ্জয় দত্তই প্ৰায় ৩৮ হাজাৰ টকা উপাৰ্জন কৰিছিল। কিন্তু তেওঁ মাত্ৰ ৪৪০ টকা লৈ ওলাই আহিল কাৰণ তেওঁ বেছিভাগ টকা কেণ্টিনতে খৰচ কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
