মাজে মাজে আপোনাৰ বুকুত বিষ অনুভৱ হৈ থাকে নেকি? বহুতেই আমি তেনে বিষক উপেক্ষা কৰিয়েই চলি থাকো৷ বহুতৰে মতে আকৌ এই বিষ গেছৰ বাবেই হয়৷ হঠাৎ যদি মাজনিশা এই বিষ অনুভৱ কৰে তেন্তে লগে লগেই আপুনি চিকিৎসকৰ পৰামৰ্শ লোৱাটো খুবেই জৰুৰী৷ কাৰণ এয়া হাৰ্ট এটেকৰো এক লক্ষণ৷
আপোনাৰ বুকুৰ বিষৰ ধৰণ কেনেকুৱা তাৰ প্ৰাথমিক ধাৰণা থকাটোও খুবেই প্ৰয়োজন৷ কেনেধৰণৰ বিষয় দুশ্চিন্তাৰ কাৰণ নাই সেই কথাও জানি থোৱাটো খুবেই প্ৰয়োজন৷ কোনটো বিষ হৃদৰোগজনিত কাৰণত হয় জানি থওক সবিশেষ৷ হৃদৰোগৰ ফলত বুকুৰ ঠিক মাজঅংশত বিষ হয়৷ আৰু বহুতৰে বুকুৰ বাওঁ দিশত কামোৰি ধৰা ধৰণৰ বিষ হ’ব পাৰে৷
এসময়ত হঠাৎ মাৰাত্মক বিষ আৰম্ভ হৈ শ্বাস প্ৰশ্বাসত বাধা পোৱা যেন ভাৱ আহে৷ বুকুত ভীষণ চাপ অনুভূত হ’লে দেৰী নকৰি চিকিৎসকৰ পৰামৰ্শ লওক৷
বহুতৰে আকৌ বুকুৰ বাওঁফালে অলপ অলপকৈ বিষ উঠি ধীৰে ধীৰে বিষটো কমিও যায়৷ গৰম নাথাকিলেও ঘাম ওলায়৷ বমি বমি ভাৱ আহে অথচ বমি নহয়? বহু সময়ত মূৰ ঘূৰোৱা যেনো লাগে৷
পিঠিত হঠাৎ তীব্ৰ যন্ত্ৰণা হ’ব পাৰে৷ পাকস্থলিৰ ঠিক ওপৰৰ ফালে বিষ আৰম্ভ হ’ব পাৰে৷ অধিকাংশ সময়ত এইয়া গেছ বুলি আমি ভুল কৰি ৰৈ থাকো৷
মহিলাসকলৰ বিশেষকৈ ডায়বেটিছ ৰোগী হ’লে অক্সিজেনৰ অভাৱ অনুভৱ হ’ব পাৰে৷ মূৰ ঘূৰোৱা, বুকুত ধৰফৰণি অনুভৱ হোৱা আদিও হাৰ্টৰ ৰোগৰেই লক্ষণ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
