৩৭০ ধাৰা অপসাৰণৰ ৫ বছৰৰ পিছত জম্মু-কাশ্মীৰত নিৰ্বাচনৰ সম্ভাৱনা, কিয় বিশেষ এই নিৰ্বাচন
২০১৯ চনত ৩৭০ নং ধাৰা অপসাৰণৰ পাছত জম্মু-কাশ্মীৰ কেন্দ্ৰীয় শাসিত অঞ্চল হিচাপে পৰিগণিত হয়। তেতিয়াৰে ৰাজ্যখনে পুনৰ ৰাজ্যৰ মৰ্যাদা পাবৰ বাবে দাবী জনাই আহিছিল। যি দাবীৰ’ উত্তৰত কেন্দ্ৰই বাৰে বাৰে কৈ আহিছিল প্ৰথমে নিৰ্বাচন অনুষ্টিত হ’ব তাৰ পাছতহে ৰাজ্যৰ মৰ্যাদা দিয়া হ’ব।
সেই উদ্দ্যেশেই আজি অনুষ্ঠিত হ’ব লগা নিৰ্বাচন আয়োগৰ বৈঠকলৈ অধীৰ আগ্ৰেহে বাট ছাইছে কাশ্মীৰ বাসীয়ে। সেই বৈঠকতে কাশ্মীৰত নিৰ্বাচন ঘোষণা কৰাৰ সম্ভাৱনা, ২০১৪ চনত শেষবাৰৰ বাবে জম্মু-কাশ্মীৰত নিৰ্বাচন অনুষ্ঠিত হৈছিল। তেতিয়া বিজেপি-পিডিপিৰ মিত্ৰতা হৈছিল। অৱশ্যে পিছলৈ বিজেপিয়ে এই মিত্ৰতাৰ পৰা নিজকে আঁতৰাই ৰাখে। ২০১৮ চনত বিজেপি আৰু পিপলছ ডেম’ক্ৰেটিক পাৰ্টিৰ মিত্ৰজোঁটৰ চৰকাৰৰ পতন ঘটিছিল।
আজি জম্মু-কাশ্মীৰত ঘোষণা হোৱাৰ সম্ভাৱনা বিধানসভা নিৰ্বাচনৰ দিন। এই ক্ষেত্ৰত ফাৰুক আব্দুল্লাই কয়, তেঁও নিজেই নিৰ্বাচনত প্ৰতিদ্বন্দ্বিতা কৰিব। ৰাষ্ট্ৰীয় সন্মিলনে সম্পূৰ্ণ সংখ্যাগৰিষ্ঠতাৰে চৰকাৰ গঠন কৰিব বুলি তেওঁ আস্থা প্ৰকাশ কৰে।
১০ বছৰত জম্মু-কাশ্মীৰত কি পৰিৱৰ্তন হৈছে?
জম্মু-কাশ্মীৰ এতিয়া ৰাজ্য নহয়।
লাডাখ এতিয়া জম্মু-কাশ্মীৰৰ অংগ নহয়।
কেন্দ্ৰীয় শাসনৰ অধীনত জম্মু-কাশ্মীৰৰ নিৰ্বাচন।
৩৭০ টা অপসাৰণৰ পিছত প্ৰথম বিধানসভা নিৰ্বাচন।
বিধানসভাৰ আসনৰ সংখ্যা ৯০ লৈ বৃদ্ধি পালে।
এতিয়া ৬ বছৰৰ সলনি ৫ বছৰৰ চৰকাৰ হব।
মুফতি মহম্মদ ছাইদৰ অনুপস্থিতিত নিৰ্বাচন।
গুলাম নবী আজাদে নিজাকৈ সুকীয়া দল গঠন কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
