প্ৰত্যেকৰ ঘৰতেই ডাষ্টবিন থাকে। কিন্তু ডাষ্টবিন এটা ঘৰৰ ক’ত ক’ত থোৱাটো বাস্তু শাস্ত্ৰমতে ভাল সেই বিষয়েও জ্যোতিষ শাস্ত্ৰই দিছে বিশেষ কেইটামান উপায়। ঘৰৰ য’তে য’তে ডাষ্টবিন থোৱাটো বেয়া বুলি বাস্তু শাস্ত্ৰত উল্লেখ আছে। ঘৰৰ ক’ত ডাষ্টবিন থোৱাটো বেয়া বুলি জ্যোতিষ শাস্ত্ৰত উল্লেখ আছে?
ডাষ্টবিনটো বাস্তু শাস্ত্ৰৰ নিয়ম মানি ৰাখিলে নিশ্চিতভাৱে আপোনাৰ ভাগ্যত ইয়াৰ প্ৰভাৱ পৰিব। ঘৰৰ এইকেইটা স্থানত ডাষ্টবিন ৰাখিলে ঘৰত অমংগল হয়।একোখন ঘৰত ডাষ্টবিন কেতিয়াও পাকঘৰ, পূজাঘৰ, ড্ৰয়িং ৰুমত ৰাখিব নালাগে। এনেকৈ ডাষ্টবিন ৰাখি থোৱাটো অশুভ বুলি জ্যোতিষ শাস্ত্ৰত উল্লেখ আছে। এনেকৈ ৰখা ডাষ্টবিনে ভাগ্যক প্ৰভাৱিত কৰে। পাকঘৰত অস্থায়ীভাৱে ডাষ্টবিন ৰাখিব পাৰে কিন্তু কেতিয়াও ইয়াক স্থায়ীভাৱে ৰাখিব নালাগে। ঘৰৰ মূল গেটত ডাষ্টবিন ৰাখিব নালাগে। ডাষ্টবিন সদায়ে মুখ্য গেটৰ ভিতৰত বা বাহিৰত একদম মূল গেটৰ কাষত নাৰাখিব। কিবা কাৰণত ডাষ্টবিন ৰাখিলেও সদায়ে লোকচক্ষুৰ পৰা আঁতৰত ৰাখিব। বাস্তু বিশেষজ্ঞৰ মতে চিৰিৰ তলত ডাষ্টবিন ৰখাটো অশুভ বুলি গণ্য কৰা হয়। এনেকৈ ডাষ্টবিন ৰাখিলে ঘৰলৈ দৰিদ্ৰতা আহে। ইয়াৰোপৰি ঘৰৰ উত্তৰ পূবত বা উত্তৰ কোণত ডাষ্টবিন ৰখাটো বেয়া।
ডাষ্টবিন ঘৰৰ ক’ত ক’ত ৰাখিব লাগে?
ঘৰৰ দক্ষিণ-পশ্চিম কোণত বা উত্তৰ-পশ্চিম কোণত ডাষ্টবিন ৰাখিব পাৰে। এই দিশক বাদ দি আন দিশত কেতিয়াও ডাষ্টবিন নাৰাখিব। ডাষ্টবিনৰ বাহিৰত কোনোধৰণৰ জাবৰ নেপেলাব। সকলো জাবৰ ডাষ্টবিনৰ ভিতৰতেই ৰাখিব। যদি সম্ভৱ হয় ডাষ্টবিন থোৱা স্থানৰ চৌদিশে আপুনি উদ্ভিদ আদি ৰোপণ কৰিব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
