জন্মাষ্টমী ব্ৰত পালন কৰা সকলে এই ৭টা ভুল নকৰিব, অন্যথা ক্ৰোধান্বিত হ’ব লড্ডু গোপাল
ভগৱান শ্ৰীকৃষ্ণৰ ভক্তসকলে গোটেই বছৰটো জন্মাষ্টমী উৎসৱৰ বাবে অপেক্ষা কৰে। এই উৎসৱত ভগৱান বিষ্ণুৰ অষ্টম অৱতাৰ ভগৱান শ্ৰীকৃষ্ণক পূজা কৰা সৰ্ববৃহৎ উৎসৱ। বছৰটোত আন দেৱ-দেৱীৰ বিভিন্ন ধৰণৰ ব্ৰত পালন আৰু উৎসৱ অনুষ্ঠিত হ’লেও এইটোৱেই একমাত্ৰ উৎসৱ যিটো সম্পূৰ্ণৰূপে ভগৱান শ্ৰীকৃষ্ণৰ পূজাৰ বাবে উৎসৰ্গিত।
ভাদ মাহৰ কৃষ্ণ পক্ষৰ অষ্টমী তিথিত ভগৱান শ্ৰীকৃষ্ণৰ জন্মৰ দিন হিচাপে এই দিনটো উদযাপন কৰা হয়, লগতে ব্ৰত পালন কৰে। এইবাৰ এই উৎসৱ আজি ২০২৪ চনৰ ২৬ আগষ্ট সোমবাৰত পৰিছে।
এইবাৰ ৰোহিনী নক্ষত্ৰত সোমবাৰৰ পৰা পুৱা ৩.৫৫ বজাৰ পৰা আৰম্ভ হ’ব জন্মাষ্টমী উৎসৱ। ইয়াৰ পিছত সোমবাৰে মাজনিশা ১২ বজাত ভগৱান কৃষ্ণৰ আবিৰ্ভাৱ দিৱস তেওঁৰ জন্ম বাৰ্ষিকী হিচাপে অতি আড়ম্বৰেৰে পালন কৰা হ’ব। ভগৱান শ্ৰীকৃষ্ণক পূজা কৰা আৰু তেওঁৰ ব্ৰত পালন কৰা ভক্ত আৰু সাধকসকলৰ বাবে এই দিনটোৰ বিশেষ তাৎপৰ্য আছে। আজিৰ দিনটোত শ্ৰীকৃষ্ণৰ শিশু ৰূপক পূজা কৰা হয়, যাক লাড্ডু গোপাল বুলিও কোৱা হয়।
বৈষ্ণৱ পন্থাৰ বিশ্বাস অনুসৰি এই দিনটোত ভক্তসকলে ভগৱান শ্ৰীকৃষ্ণক সন্তুষ্ট কৰাৰ বাবে বিভিন্ন ব্যৱস্থা গ্ৰহণ কৰে। ভগৱান শ্ৰীকৃষ্ণৰ সাধক আৰু ভক্তসকলে আজিৰ দিনটোত জলবিহীন উপবাস পালন কৰে। গোটেই দিনটো ব্ৰত ৰাখে আৰু মাজনিশা অৰ্থাৎ ১২ বজাত প্ৰভুৰ জন্মৰ পিছতহে ব্ৰত ভংগ কৰে।
এই বৈষ্ণৱ পন্থাৰ নিয়মবোৰ যিমানেই সহজ যেন দেখা যায় আৰু শুনা যায়, সেইবোৰ মানি চলাটো কঠিন। জন্মাষ্টমী ব্ৰত পালন কৰা সকলে এই ৭টা ভুল কৰা উচিত নহয়।
১) জন্মাষ্টমীৰ দিনা তামসিক খাদ্য যেনে হালধি, পিয়াজ, মচুৰ দাইল, মাংস, মাছ, কণী, মদ আদি মাদক দ্ৰব্য সেৱন কৰিব নালাগে।
২) জন্মাষ্টমী উপলক্ষে মহিলাসকলে চুলি খোলা ৰাখিব নালাগে বুলি বিশ্বাস কৰা হয়।
৩) এই শুভ দিনটোত গৰু, ম’হ, পোৱালি আদিক ভুলতো অশান্তি দিব নালাগে, ইয়াৰ ফলত লাড্ডু গোপালৰ খং উঠে।
৪) জন্মাষ্টমীৰ দিনা চাউল পৰিহাৰ কৰিব লাগে। একাদশীৰ দৰে জন্মাষ্টমীৰ দিনা ভাত বা যৱৰ পৰা তৈয়াৰী কোনো বস্তু খাব নালাগে।
৫) জন্মাষ্টমীৰ দিনা তুলসীৰ পাত ছিঙিব নালাগে।
৬) এই শুভ দিনটোত ক’লা ৰঙৰ কাপোৰৰ পৰা আঁতৰি থাকিব লাগে।
৭) শাস্ত্ৰ অনুযায়ী এই দিনটোত ভগৱান শ্ৰীকৃষ্ণৰ পিঠি দৰ্শন কৰিব নালাগে। শ্ৰীকৃষ্ণৰ পিঠিলৈ চালে গুণ হ্ৰাস পায় বুলি কোৱা হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
