বতৰ বিজ্ঞান কেন্দ্ৰৰ সতৰ্কবাণী, বংগোপ সাগৰত ধুমুহা, এই কেইখন ৰাজ্যত প্ৰৱল বতাহ-বৰষুণ
দেশৰ বহু কেইখন ৰাজ্যত বৰ্তমানেও অব্যাহত আছে ধাৰাসাৰ বৰষুণৰ লগতে বতাহ। তাৰ মাজতে পুনৰ বতৰ বিজ্ঞান কেন্দ্ৰৰ ফালৰ পৰা সতৰ্কবাণী। বংগোপসাগৰত গঢ় লৈ উঠা নিম্ন চাপৰ বাবে অধিক বতাহ-বৰষুণ হ’বলৈ গৈ আছে। ইয়াৰ বাবেই পশ্চিমবংগ, ওড়িশা, তেলেংগানা, অন্ধ্ৰপ্ৰদেশ আৰু ছত্তীশগড়ৰ বিভিন্ন স্থানত প্ৰচণ্ড বৰষুণৰ সতৰ্কবাণী জাৰি কৰা হৈছে।
আই এম ডিৰ বুলেটিন অনুসৰি অৱদাব কলিংগাপট্টনমৰ (অন্ধ্ৰ প্ৰদেশ)ৰ পৰা প্ৰায় ২৭০ কিলোমিটাৰ, গোপালপুৰ (ওড়িশা)ৰ পৰা ২১০ কিলোমিটাৰ আৰু দক্ষিণ দীঘা (পশ্চিম বংগ)ৰ পৰা ৩৭০ কিলোমিটাৰ এলেকাত জনসাধাৰণত সতৰ্কবাণী জাৰি কৰা হৈছে, লগতে অন্য সুৰক্ষিত ঠাইলৈ স্থানান্তৰিত হোৱাৰ বাবে আহ্বান জনাইছে।
বতৰ বিজ্ঞান বিভাগে আজি উপকূলীয় অন্ধ্ৰ প্ৰদেশৰ বিচ্ছিন্ন স্থানত প্ৰচণ্ডৰ পৰা অতি প্ৰচণ্ড বৰষুণ হ’ব পাৰে বুলি অনুমান কৰাৰ লগতে কিছুমান ঠাইত অত্যন্ত প্ৰবল বৰষুণ হোৱাৰ সম্ভাৱনাও ভৱিষ্যদ্বাণী কৰিছে। ইয়াৰ সমান্তৰালকৈ আজি ছত্তীশগড়ৰ দক্ষিণ অঞ্চলত ধাৰাসাৰ বৰষুণৰ সম্ভাৱনা আছে। ইয়াৰ উত্তৰ প্ৰান্তত অহা ৯-১০ ছেপ্টেম্বৰত প্ৰবল বৰষুণৰ সম্ভাৱনা আছে।
বতৰ বিজ্ঞান বিভাগে অহা ৮-৯ ছেপ্টেম্বৰত বিভিন্ন স্থানত প্ৰবলৰ পৰা অতি প্ৰবল বৰষুণৰ ভৱিষ্যদ্বাণী কৰিছে। ৯-১০ ছেপ্টেম্বৰত গংগেটিক পশ্চিম বংগত বিচ্ছিন্ন স্থানত প্ৰচণ্ডৰ পৰা অতি প্ৰচণ্ড বৰষুণৰ লগতে লঘুৰ পৰা মধ্যমীয়া বৰষুণৰ সম্ভাৱনা আছে যিটো ১২ ছেপ্টেম্বৰলৈকে চলি থাকিব। ইয়াৰ লগতে ১০-১১ ছেপ্টেম্বৰত ঝাৰখণ্ডৰ দক্ষিণ অঞ্চলত প্ৰবলৰ পৰা অতি প্ৰবল বৰষুণৰ সম্ভাৱনা আছে। ৯ আৰু ১২ ছেপ্টেম্বৰত বিভিন্ন স্থানত প্ৰবল বৰষুণ হব পাৰে।
আগন্তুক তিনিদিনলৈ ওড়িশাত প্ৰবল বৰষুণৰ ভৱিষ্যদ্বাণী কৰিছে। ৰাজ্যৰ ৫ খন জিলাত ‘ৰেড এলাৰ্ট’ জাৰি কৰিছে আই এম ডিয়ে। ইতিমধ্যে এই জিলাসমূহৰ বহু ঠাইত বৰষুণ দি আছে। লগতে, মাছমৰীয়াসকলক ১১ ছেপ্টেম্বৰলৈকে সাগৰত নাযাবলৈ পৰামৰ্শ দিয়া হৈছে।
প্ৰকাশিত তথ্য অনুসৰি সোমবাৰে ঋতুভিত্তিক ব্যৱস্থাটো ওড়িশা আৰু পশ্চিম বংগৰ উপকূলৰ দিশে আগবাঢ়ি গৈ অধিক বেয়া পৰিস্থিতি পৰিণত হোৱাৰ সম্ভাৱনা আছে। আইএমডিয়ে জনোৱা মতে, সোমবাৰে বিয়লিৰ ভিতৰত পুৰী আৰু দীঘাৰ মাজৰ উপকূল পাৰ হোৱাৰ পিছত অহা দুদিনত ঝাৰখণ্ড আৰু সংলগ্ন উত্তৰ ছত্তীশগড় অভিমুখে গতি কৰাৰ সম্ভাৱনা আছে।
ইয়াৰ প্ৰভাৱৰ বাবে ওড়িশাৰ বহু ঠাইত ধাৰাসাৰ বৰষুণ হোৱাৰ লগতে কোৰাপুট জিলাৰ কুণ্ড্ৰা আৰু বয়পাৰিগুডা ব্লক অধিক ক্ষতিগ্ৰস্ত হৈছে। বিষয়াসকলে জনোৱা মতে, দুয়োটা ব্লকৰ নিম্নভূমি ডুব যোৱাৰ বাবে কেইবা বিঘা মাটিৰ শস্যৰ ওপৰত ক্ষতিগ্ৰস্ত হৈছে।
আইএমডিয়ে ৰাজ্যখনৰ বহু জিলাত মঙলবাৰ আৰু বুধবাৰেও বৰষুণৰ ভৱিষ্যদ্বাণী কৰিছে। লগতে কোৱা হৈছে যে চাপৰ প্ৰভাৱৰ বাবে বংগোপসাগৰ আৰু ওড়িশা উপকূলত ধুমুহাময় বতৰ থাকে আৰু পৃষ্ঠীয় বতাহৰ প্ৰবল বতাহ প্ৰতি ঘণ্টাত ৪৫-৫৫ কিলোমিটাৰৰ পৰা প্ৰতি ঘণ্টাত ৬৫ কিলোমিটাৰলৈকে বিয়পি পৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
