হোৱাটছএপত নিষিদ্ধ ৮০ লাখৰো অধিক একাউণ্ট, তাৰে মাজত আপোনাৰো নেকি ! কি হৈছে এনে ?
গোপনীয়তা নীতি উলংঘা কৰাৰ বাবে এমাহৰ ভিতৰতে ৮০ লাখৰো অধিক ভাৰতীয় একাউণ্ট নিজৰ প্লেটফৰ্মৰ পৰা নিষিদ্ধ কৰা হৈছে। ভাৰতত দ্ৰুতগতিত বৃদ্ধি পোৱা চাইবাৰ অপৰাধ আৰু ভুৱা বাতৰিৰ প্ৰচাৰ বন্ধ কৰাৰ বাবে এই পদক্ষেপ গ্ৰহণ কৰা হৈছে।
১ আগষ্টৰ পৰা ৩১ আগষ্টৰ ভিতৰত হোৱাটছএপে মুঠ ৮,৪৫৮,০০০ ভাৰতীয় একাউণ্ট ব্লক কৰিছে। ইয়াৰে ১,৬৬১,০০০ একাউণ্টত অভিযোগ নোহোৱাকৈ নিষিদ্ধ কৰা হৈছে।
স্পেম আৰু জালিয়াতিঃ- বহু লোকে হোৱাটছএপত স্পেম মেছেজ প্ৰেৰণ কৰে, প্ৰৱঞ্চনা কৰে বা ভুল তথ্য বিয়পায়। যাৰ বাবে এই একাউণ্টসমূহ নিষিদ্ধ কৰা হৈছে।
অবৈধ কাৰ্যকলাপঃ- একাংশ লোকে অবৈধ কামৰ বাবে WhatsApp ব্যৱহাৰ কৰে।
ব্যৱহাৰকাৰীৰ অভিযোগঃ- যেতিয়া কোনো ব্যৱহাৰকাৰীয়ে আন এজন ব্যৱহাৰকাৰীৰ অভিযোগ কৰে তেতিয়া হোৱাটছএপে তদন্ত কৰে আৰু প্ৰয়োজন হ’লে সেই একাউণ্টটো নিষিদ্ধ কৰে।
উল্লেখ্য যে, হোৱাটছএপত এটা অটোমেটিক চিষ্টেম আছে যিয়ে সন্দেহজনক কাৰ্যকলাপ ধৰা পেলায়। ইয়াৰ বাহিৰেও যেতিয়া কোনো ব্যৱহাৰকাৰীয়ে যিকোনো একাউণ্টৰ অভিযোগ কৰে তেতিয়া তাৰ ওপৰত হোৱাটছএপে ব্যৱস্থা গ্ৰহণ কৰে।
এই বৃহৎ কাৰ্য্যক লৈ হোৱাটছএপে কয় যে তেওঁলোকে নিজৰ প্লেটফৰ্ম সুৰক্ষিত ৰখাৰ বাবে অহৰহ কাম কৰি আছে। কোম্পানীটোৱে লগতে কয় যে ব্যৱহাৰকাৰীসকলক সন্দেহজনক বাৰ্তাত ক্লিক নকৰিবলৈ আৰু অজ্ঞাত নম্বৰৰ পৰা অহা যিকোনো লিংকত ক্লিক কৰাৰ আগতে সাৱধান হ’বলৈ আহ্বান জনাইছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
