বিজ্ঞানীৰ পৃথক চিন্তা! পৃথিৱীক ঠাণ্ডা কৰিবলৈ বছৰি ছটিয়াই দিব ৫০লাখ টন হীৰাৰ গুড়ি!

এই সমগ্ৰ প্ৰক্ৰিয়াটোত খৰচ যেনেকৈ বেছি শ্ৰমো বেছি হ’ব৷ গৱেষকসকলৰ অনুমান ৪৫ বছৰ ধৰি হীৰাৰ গুৰি চটিয়াই পৃথিৱীৰ তাপমাত্ৰা কমাবলৈ হ’লে প্ৰায় ২০০ লাখ কোটি ডলাৰ খৰচ কৰিব লগা হ’ব পাৰে৷ যি কাৰণত বহুতেই ধাৰণা কৰিছে যে কেৱল অনুমানৰ ওপৰত ভিত্তি কৰি আৰু পৰীক্ষা কৰি চোৱাৰ বাবে ইমান ধন খৰচ কৰা একেবাৰেই অযৌক্তিক৷ যদিও গৱেষকসকলৰ যুক্তি যে এই মুহূৰ্তত পৃথিৱীত জলবায়ু সংকট যিমান ভয়াৱহ গতিত বাঢ়িছে সেয়া মোকাবিলা কৰাৰ বাবে এই খৰচ একোৱেই নহয়৷

গৱেষকসকলে ধাৰণা কৰিছে জলবায়ু পৰিবৰ্তনৰ বিৰুদ্ধে যুদ্ধ কৰাৰ বাবে সাম্ভাব্য সমস্ত পৰীক্ষা কৰা উচিত৷ সেই পৰীক্ষাসমূহ যিমানেই অবাস্তৱ বুলি সমালোচনা নহওক কিয়৷ সেই গৱেষণাপত্ৰ অনুসৰি বায়ুমণ্ডলৰ হীৰাৰ গুড়ি চটিয়াই দিয়া প্ৰক্ৰিয়াটো ষ্ট্ৰেটোস্ফিয়েৰিক এৰোচল ইঞ্জেকছন নামেৰে পৰিচিত৷ সমগ্ৰ বিষয়টো ‘চলাৰ জিয়োইঞ্জিনিয়াৰিঙৰ’ অধীনত পৰে৷ এই প্ৰক্ৰিয়াই সূৰ্যলোকক প্ৰতিফলিত কৰিব আৰু তাপ শোষণক কমাব৷ ষ্ট্ৰেটোস্ফিয়েৰত ক্ষুদ্ৰ কণা ছটিয়াই দিয়া হ’ব৷

হীৰাৰ ধূলিকণাৰ ওপৰিও ছালফাৰসহ অন্যান্য আৰু এৰোছল বায়ুমণ্ডলত ছটিয়াই দিয়াৰ ফলত তাৰ প্ৰভাৱ কি হ’ব পাৰে সেই বিষয়টোক লৈয়ো গৱেষণা চলাইছে গৱেষকে৷ কোনো উপাদান বাস্তৱ পৰিস্থিতিত সকলোতকৈ ভাল কাম কৰিব সেয়া নিৰ্ধাৰণ কৰিবলৈকো পৰীক্ষানিৰীক্ষা চলোৱা হৈছিল৷ এৰোছোলসমূহে সূৰ্যৰ পোহৰ কিমান ভালকৈ প্ৰতিফলিত কৰে আৰু কিমান সময় বায়ুত ভাহি থাকিব সেয়াও পৰীক্ষা কৰা হৈছিল৷ ইয়াৰোপৰি কোন ধূলিকণাই সোনকালে গোট বান্ধিছে সেয়াও পৰীক্ষা চলিব৷ সেই গৱেষণাপত্ৰ অনুসৰি প্ৰাথমিক স্তৰৰ এই পৰীক্ষাত সকলোতকৈ ভাল ফল পোৱা গৈছে হীৰাৰ ধূলিকণাত৷

গৱেষকে জনোৱা অনুসৰি হীৰাৰ কণাসমূহ সোনকালে গোট নামাৰে আৰু সকলোতকৈ বেছি সময় ভাঁহি থাকিবলৈ সক্ষম হয়৷ অন্যান্য এৰোছেলসমূহ এছিড বৃষ্টিত পৰিণত হ’লেও হীৰাৰ ধূলিকণা কেতিয়াও এছিড বৰষুণহৈ নামি নাহে৷