অসম হওক বা আমেৰিকা দিল্লীয়েই হওক বা লণ্ডন! পৃথিৱীৰ যি কোনো প্ৰান্তৰ পৰা এদিনত এবাৰেই সূৰ্যোদয় আৰু সূৰ্যাস্ত দেখা যায়৷ এয়াই স্বাভাৱিক৷ কিন্তু আপুনি যদি মহাকাশ আন্তৰ্জাতিক স্পেছ ষ্টেচনত উপস্থিত হয় তেতিয়া তাত আপুনি এদিনত ১৬ বাৰ সূৰ্যাস্ত আৰু সূৰ্যোদয় দেখিব৷ ভাৰতীয় বংশোদ্ভূত মাৰ্কিন মহাকাশচাৰী সুনীতা উইলিয়ামছেও দৈনিক ১৬ বাৰকৈ সূৰ্যোদয় আৰু সূৰ্যাস্ত দেখিছে৷ ভাৰতীয় বংশোদ্ভূত মাৰ্কিন মহাকাশচাৰী সুনীতা উইলিয়ামছে পূৰ্বেও ইণ্টাৰনেশ্ব্যনেল স্পেছ ষ্টেচনলৈ গৈছিল৷ তেতিয়াও তেওঁ দৈনিক ১৬বাৰকৈ সূৰ্যাস্ত আৰু সূৰ্যোদয় দেখিছিল৷ বিগত ৫মাহ ধৰি দিনে ১৬ বাৰ সূৰ্যাস্ত আৰু সূৰ্যোদয় দেখিছে সুনীতাই৷ কাৰণ ৪ জুনৰ পৰা আন্তৰ্জাতিক স্পেছ ষ্টেচনত আৱদ্ধ হৈ আছে সুনীতা৷
মহাকাশ ষ্টেচনত এই চক্ৰ কেনেকৈ চলে?
পৃথিৱীক প্ৰদক্ষিণৰ নিৰিখতেই আন্তৰ্জাতিক স্পেছ ষ্টেচনত দিন আৰু ৰাতি হয়৷ পৃথিৱীৰ আহ্নিক গতিৰ পৰা ISSৰ গতি বহু গুণ বেছি বাবেই তাত ২৪ ঘণ্টাত ১৬বাৰ দিন আৰু ৰাতি হয়৷ স্পেছ ষ্টেচনত যেতিয়া সূৰ্যলোক পৰে তেতিয়া মহাকাশচাৰীসকলৰ দিন হয়৷ ৪৫ মিনিট তাত সূৰ্যৰ পোহৰ দেখা যায়৷ তাৰপাছত ৪৫ মিনিট আকৌ অন্ধকাৰ৷ অৰ্থাৎ ৰাতি৷ এনেকৈয়ে ২৪ ঘণ্টাত পৰ্যায়ক্ৰমে ১৬ বাৰ দিন আৰু ৰাতি হয়৷ অৰ্থাৎ ৪৫ মিনিট দিন আৰু ৪৫ মিনিট ৰাতি৷ সূৰ্য উঠাৰ সৈতে আমাৰ দৈনন্দিন ৰুটিনৰ নিবিড় সম্পৰ্ক৷ কিন্তু ৪৫ মিনিটক অন্তৰে অন্তৰে যদি কৰোবাত দিন আৰু ৰাতি হৈ থাকে তাত সময়ৰ হিচাপ ৰখা কিছু অসুবিধা হয়৷
আন্তৰ্জাতিক স্পেছ চেণ্টাৰত সময়ৰ হিচাপ কেনেকৈ ৰাখে?
আন্তৰ্জাতিক স্পেছ ষ্টেচনত সময় কেনেকৈ চায় সুনীতাই? আন্তৰ্জাতিক স্পেছ ষ্টেচনত সময়ৰ পৰিমাপ হয় কোঅৰ্ডিনেটেড ইউনিভাৰ্ছেল টাইম অনুসৰি৷ বিশ্বৰ বিভিন্ন প্ৰান্তত সময় জুখিবলৈ এই টাইম ফ্ৰেম ব্যৱহাৰ কৰা হয়৷ এই সময় চায়েই খোৱা, বিশ্ৰামসহ নিজৰ সকলো কাম কৰে সুনীতাই৷ মহাকাশত সুস্থ থাকিবলৈ নিয়ম মানি চলা একান্তই আৱশ্যক৷ সেয়ে মহাকাশচাৰীয়ে এটোমিক ক্লক ব্যৱহাৰ কৰে৷ যিয়ে সময়ৰ হিচাপ নিখুঁতভাৱে ৰাখে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
