ৰাম মন্দিৰৰ পৰা আৰম্ভ কৰি ৩৭৭ বিলোপ! মুখ্য ন্যায়াধীশ চন্দ্ৰচূড়ৰ আমোলত কি কি গুৰুত্বপূৰ্ণ ৰায়দান?

অযোধ্যাৰ ৰাম জন্মভূমি গোচৰৰ পৰা আৰম্ভ কৰি সংবিধানৰ ৩৭০ অনুচ্ছেদ বিলোপ, ডিৱাই চন্দ্ৰচূড় দেশৰ মুখ্য ন্যায়াধীশ হৈ থকাৰ সময়ত দি গৈছে একাধিক ৰায়দান৷ তেওঁৰ নেতৃত্বাধীন বেঞ্চে দিয়া ৰায়সমূহ লেখত ল’বলগীয়াই৷ বাদী-বিবাদী সমস্ত পক্ষৰ অধিবক্তাই শুনানি চলি থকাৰ সময়ত আদালতৰ ডেকোৰাম নামানিলেই কাঢ়া বাৰ্তা দিছিল মুখ্য ন্যায়াধীশগৰাকীয়ে৷

উচ্চতম ন্যায়ালয়ৰ মুখ্য ন্যায়াধীশ হিচাপে কামৰ শেষ দিনটোত তেওঁ সকলোৰে ওচৰত ক্ষমা প্ৰাৰ্থনা কৰি বিদায় লৈছে৷ ইয়াৰ সৈতে জনাই যে আৰু ন্যায়বিচাৰ দিব নোৱাৰিলেও তেওঁ সন্তুষ্ট৷ তেওঁ কয়, ‘মই সম্ভৱত সকলোতকৈ বেছি ট্ৰল খোৱা জাজ৷ সমালোচকসকলো আজিৰ পৰা কৰ্মহীন হৈ পৰিব৷ সমালোচনাক সহ্য কৰিব পৰা ক্ষমতা অৱশ্যে মোৰ আছেই৷’

২০১৬ চনৰ মে মাহৰ পৰা ২০২৪চনৰ নৱেম্বৰ মাহ৷ উচ্চতম ন্যায়ালয়ৰ ন্যায়াধীশ হিচাপে ডি ৱাই চন্দ্ৰচূড়ৰ আমোলত কি কি উল্লেখযোগ্য ৰায়দান দিয়া হৈছে?

অযোধ্যা গোচৰ

বাবৰি মছজিদৰ বিতৰ্কিত মাটিত ৰাম মন্দিৰ নিৰ্মাণৰ নিৰ্দেশ দিয়ে উচ্চতম ন্যায়ালয়ে৷ এই ঐতিহাসিক ৰায় দিয়া হৈছিল ২০১৯ চনত৷ অৱশ্যে তেতিয়া তেওঁ মুখ্য ন্যায়াধীশ নাছিল৷ ছুপ্ৰিম কৰ্টৰ এগৰাকী বিশেষ জাজ হিচাপে তেওঁ তেতিয়াৰ মুখ্য ন্যায়াধীশ ৰঞ্জন গগৈৰ বেঞ্চৰ সদস্য আছিল৷

ব্যক্তিগত গোপনীয়তাৰ অধিকাৰ

২০১৭ চনৰ এই গোচৰত ৯জনীয়া ন্যায়াধীশৰ সাংবিধানিক বেঞ্চে ঐক্যমত হৈ ন্যায়াধীশ ডি ৱাই চন্দ্ৰচূড়ে ৰায় দিছিল যে গোপনীয়তা সংবিধানৰ ২১ অনুচ্ছেদৰ অধীনৰ এক মৌলিক অধিকাৰ৷ সেয়া জৰুৰী অৱস্থাৰ সময়তো বাহাল থাকিব৷ ১৯৭৬চনত উচ্চতম ন্যায়ালয়ে জনাইচিল যে জৰুৰী অৱস্থাৰ সময়ত মৌলিক অধিকাৰৰ কথাবোৰ উঠাই লোৱা হয়৷ সেই ৰায় দিয়া বেঞ্চৰ সদস্য আছিল ডি ৱাই চন্দ্ৰচূড়ৰ পিতৃ ৱাই ভি চন্দ্ৰচূড়৷ পিতৃৰ সেই ৰায়কেই ভুল প্ৰতিপন্ন কৰিলে পুত্ৰই৷

নিৰ্বাচনী বণ্ড

নিৰ্বাচনী বণ্ডক অসাংবিধানিক ঘোষণা কৰে ছুপ্ৰিম কৰ্টে৷

পৰকীয়া ফৌজদাৰী অপৰাধ নহয়

পাঁচজনীয়া সাংবিধানিক বেঞ্চে ৰায় দিয়ে যে পৰকীয়া ফৌজদাৰী অপৰাধ নহয়৷ IPC ৪৯৭ ধাৰাক বাতিল ঘোষণা কৰা হয়৷

LGBTQ+ অধিকাৰ

IPC ৩৭৭ অৰ্থাৎ সমকামিতাক ডিক্ৰিমিনালাইজ কৰা হয়৷ এই ৰায় LGBTQ+ৰ মৌলিক অধিকাৰ স্থাপন কৰে আৰু বৈষম্যৰ বিৰুদ্ধে এই নজিৰবিহীন মাইলফলক স্থাপন কৰে৷

হাদিয়া মামলা

২০১৭ চনৰ এই গোচৰত নিজৰ পছন্দৰ প্ৰাৰ্থীক বিয়াৰ অধিকাৰক সংবিধানত স্বীকৃত জীৱন আৰু স্বাধীনতাৰ অধিকাৰৰ আওঁতাভূক্ত কৰা হয়৷

বিচাৰিলেই যি কোনো ব্যক্তিগত স্থাৱৰ সম্পত্তি কাঢ়ি ল’ব নোৱাৰিব কোনো ৰাষ্ট্ৰই৷ তাৰ বাবে চৰ্ত পূৰণ কৰিব লাগিব৷