সুবিধা পাইয়ো দুখনকৈ হলীউডৰ ছবি কিয় নাকচ কৰিছিল ঐশ্বৰ্যই ! বহু পাছত সদৰি হৈছিল কাৰণ
বিশ্ব সুন্দৰী ঐশ্বৰ্যৰ সৌন্দৰ্যৰ কথা সকলোৱে জানে। সেই সৌন্দৰ্যৰ আকৰ ঐশ্বৰ্যক এটা সময়ত নিজৰ চিনেমাত পাবলৈ বলীউডৰ পৰিচালক বোৰ লাইন পাতিছিল, তেনেদৰে হলীউডেও বিচাৰিছিল ঐশ্বৰ্যক।
যি হলীউডত জীৱনত এবাৰ হলেও কাম কৰিবলৈ সপোন দেখে অভিনেতা-অভিনেত্ৰী বোৰে। পাছে সেই হলীউডৰ দুখনকৈ ছবিক নাকচ কৰি দিছিল বিশ্ব সুন্দৰী ঐশ্বৰ্যই।
বৰ্তমানে ঐশ্বৰ্য ৰায় আৰু অভিষেক বচ্চনৰ বিবাহ বিচ্ছেদৰ উৰাবাতৰিৰ খবৰ শিৰোনামত। অৱশ্যে এই বিষয়ে কোনো বিশেষ তথ্য সদৰি নাই দম্পতীহালে। দুয়োগৰাকীয়ে এই বিচ্ছেদ সন্দৰ্ভত মুখ খোলা নাই। কিন্তু তথাপিও দম্পতীহালৰ বিবাহ বিচ্ছেদ গুজৱৰ মহলত চৰ্চাৰ বিষয় হৈয়েই আছে।
সংবাদ মাধ্যমৰ বাতৰি অনুসৰি ঐশ্বৰ্য ৰায়ক হলিউডৰ দুখন ছবিত কাম কৰাৰ অফাৰ পাইছিল যদিও তেওঁ নাকচ কৰিছিল। তাৰেই এখন ছবি আছিল ‘মিষ্টাৰ এণ্ড মিচেছ স্মিথ’, যি ছবিত অভিনেতা ব্ৰেড পিটৰ সৈতে এটা চুম্বনৰ দৃশ্য আৰু আনখন ছবিত উইল স্মিথৰ সৈতে এটা অন্তৰংগ দৃশ্য আছিল। যি দৃশ্যত কাম কৰি অভিনেত্ৰীগৰাকীয়ে অস্বস্তি অনুভৱ কৰিছিল। যাৰ বাবেই দুয়োকন ছবি নাকচ কৰি দিছিল ঐশ্বৰ্যই।
অৱশ্যে এই দুখন ছবি নাকচ কৰিলেও, হলীউডত আন কেইবাখনো ছবিত কাম কৰিছিল অভিনেত্ৰীগৰাকীয়ে। ইয়াৰে ভিতৰত উল্লেখযোগ্য- The Last Legion, The Pink Panther 2 , Provoked, Mistress of Spices, Maleficent: Mistress Of Evil আদি উল্লেখযোগ্য
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
