বিহাৰৰ পৰা তিনিচুকীয়াৰ আত্মীয়ৰ বিয়া খাবলৈ আহি প্ৰাণ হেৰুৱালে একেটা পৰিয়ালৰ ৪জনে
আজি ১২ নৱেম্বৰৰ পুৱাই তিনিচুকীয়াত সংঘটিত হৈছে এক অতিকে শোকাৱহ দুৰ্ঘটনা। বিয়া খাবলৈ বুলি আহি প্ৰাণ হেৰুৱালে একে পৰিয়ালৰে ৪ লোকে। বিহাৰৰ পৰা অসমলৈ বিয়া বুলি আহিছিল পৰিয়ালটো। পাছে বাটতে যেন পৰিয়ালটোৰ প্ৰাণ কাঢ়িবলৈ বুলি ৰৈ আছিল যমদূত।
পুৱা প্ৰায় ৪ মান বজাত তিনিচুকীয়া-ডিব্ৰুগড় সংযোগী দিহিঙীয়া গাঁৱৰ বাইপাচত এই অতিকে শোকাৱহ দুৰ্ঘটনটো সংঘটিত হয়। ঘটনা সন্দৰ্ভত জানিব পৰা অনুসৰি তীব্ৰবেগী বাহনখনে নিয়ত্ৰণ হেৰুৱাই ডিব্ৰুগড়ৰ পৰা তিনিচুকীয়া অভিমুখৰ বাইপাচৰ নিৰ্মীয়মান এটা কালভাৰ্ট সোমাই পৰে।
বিহাৰৰ পৰা তিনিচুকীয়াৰ আত্মীয়ৰ বিয়া খাবলৈ আহিছিল দুৰ্ভগীয়া পৰিয়ালটো। দুৰ্ঘটনাটোত একেটা পৰিয়ালৰ ৪জন থিতাতে নিহত হোৱাৰ লগতে দুজন সংকটজনক অৱস্থাত বুলি জানিব পৰা গৈছে।
মৃত চাৰিওজন লোকৰ নিথৰ দেহ বৰ্তমানে তিনিচুকীয়া অসমাৰিক চিকিৎসালয়ৰ মৰ্গত ৰখা হৈছে। এখন চুইফ্ট ডিজায়াৰ বাহনত বিহাৰৰ পৰা আহিছিল পৰিয়ালটো। তাৰে ভিতৰত এটি ৫ বছৰীয়া শিশু ।
মৃত লোক কেইগৰাকী – মহন্ত শ্বাহ, মিন্টু শ্বাহ, ৰাজেশ গুপ্তা আৰু ৫ বছৰীয়া শিশু অৰ্ধজ গুপ্তা।
স্থানীয় লোকে জনোৱা অনুসৰি, টি টি চি নামৰ এটা পথ নিৰ্মাণকাৰী সংস্থাৰ ভুলৰ কাৰণে মৃত্যুক আঁকোৱালি ল’বলগীয়া হ’ল চাৰিজন লোকে। পথ নিৰ্মাণৰ নাই কোনো সঠছিক দিশ নিৰ্ণয়। মাথো কিছুদিনৰ ভিতৰতে ২০ টাতকৈ অধিক পথ দূৰ্ঘটনা এই স্থানত ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
