ৱাৰ্ম আপ মেছ এৰি হঠাতে নোহোৱা হ’ল বিৰাট-বুমৰাহ-ৰাহুল-জয়ছৱাল, সকলোৰে মনত ডাঙৰ প্ৰশ্ন !
অষ্ট্ৰেলিয়াৰ বিৰুদ্ধে প্ৰথমখন টেষ্টত ভাৰতে ইতিহাস ৰচি জয়ী হোৱাৰ পাছত এতিয়া সকলোৰে দৃষ্টি দ্বিতীয়খন টেষ্ট মেছত। এডিলেইডত অনুষ্ঠিত হ’বলগীয়া দ্বিতীয়খন টেষ্ট মেচৰ পূৰ্বে টিম ইণ্ডিয়াই কেনবেৰাত মূল একাদশৰ সৈতে পিংক বল ৱাৰ্ম আপ মেচ খেলি আছে।
ৱাৰ্ম আপ মেচৰ প্ৰথম দিনটো বৰষুণৰ বাবে বাতিল হয়। ইয়াৰ পিছত দ্বিতীয় দিনা বতৰ ভাল হোৱাত পুনৰ খেল আৰম্ভ হয়। টছত জয়ী হৈ টিম ইণ্ডিয়াৰ অধিনায়ক ৰোহিত শৰ্মাই প্ৰথমে বলিং কৰাৰ সিদ্ধান্ত লয়।
কিন্তু এই ৱাৰ্ম আপ মেচখনত টিম ইণ্ডিয়াৰ বলিঙৰ সময়ত ৪ গৰাকী ভাৰতীয় খেলুৱৈক দেখা পোৱা নাযায়। বিৰাট কোহলী, কে এল ৰাহুল, যশপ্ৰীত বুমৰাহ আৰু যশস্বী জয়ছৱালক খেলপথাৰত দেখা পোৱা নাযায়।
যাৰ বাবে এতিয়া অনুৰাগীৰ মনত প্ৰশ্ন উত্থাপন হ’বলৈ ধৰিছে যে শেষৰখন ৱাৰ্ম আপ মেচৰ পৰা ক’ত অন্তৰ্ধান হ’ল এই খেলুৱৈসকল ?
আচলতে পিংক বল টেষ্টৰ পূৰ্বে এই ৪ গৰাকী খেলুৱৈয়ে ৱাৰ্ম আপ মেচৰ পৰিৱৰ্তে পৃথকে পৃথকে নিজাকৈ অনুশীলনত ব্যস্ত। ৱাৰ্ম আপ মেচ এৰি এই আটাইকেইজন খেলুৱৈয়ে বৰ্তমানে নেট অনুশীলন কৰি আছে।
আনহাতে ৱাৰ্ম আপ মেচখনত অষ্ট্ৰেলিয়াই ২৪০ ৰান কৰিছে। জয়ী হ’বলৈ এতিয়া টিম ইণ্ডিয়াৰ সমুখত ২৪১ ৰানৰ লক্ষ্য বান্ধি দিছে অষ্ট্ৰেলিয়াই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
