বিশ্বৰ সবাতোকৈ ধনী ক্ৰিকেটাৰৰ ২২ বছৰ বয়সতে অৱসৰ, শচীন-কোহলীৰ দৰে খেলুৱৈতকৈ বহু গুণে ধনী
বিশ্বৰ ধনী ক্ৰিকেটাৰৰ নাম যেতিয়াই চৰ্চালৈ আহে শচীন টেণ্ডুলকাৰ, বিৰাট কোহলী, এম এছ ধোনী আদিৰ দৰে তাৰকাৰ নাম মনলৈ আহে। পাছে আন এজন খেলুৱৈহে এই ক্ষেত্ৰত অধিক ধনী। সেই খেলুৱৈগৰাকী ইমানেই ধনী যে, শচীন-কোহলীতকৈয়ো প্ৰায় ১০০ গুণে অধিক ধনী।
সেই ক্ৰিকেটাৰগৰাকীয়ে এতিয়া অৱসৰৰ ঘোষণা কথা ঘোষণা কৰিছে। তাকো কেৱল মাত্ৰ ২২ বছৰ বয়সতে অৱসৰৰ কথা ঘোষণা কৰিছে। পাছে ভুল নকৰিব এই গৰাকী খেলুৱৈ ভাৰতীয় জাতীয় দলৰ নহয়, এগৰাকী ঘৰুৱা ক্ৰিকেটাৰহে। যিয়ে আজিলৈকে ভাৰতক প্ৰতিনিধিত্ব কৰা নাই আনকি আই পি এলতো আজি পৰ্যন্ত খেলা নাই। কিন্তু ইয়াৰ পিছতো এই খেলুৱৈগৰাকী ধনৰ ক্ষেত্ৰত ধোনী, বিৰাট আৰু শচীনতকৈ বহু গুণে অধিক ধনী।
সেই খেলুৱৈগৰাকী হৈছে- দেশৰ কোটিপতি ব্যৱসায়ী বিৰলা গ্ৰুপৰ মালিক কুমাৰ মংগলমৰ পুত্ৰ আৰ্যমন বিৰলা। পিতৃৰ কোটি টকাৰ ব্যৱসায় থকাৰ পাছতো ক্ৰিকেট খেলত মন আৰ্যমনৰ। মধ্যপ্ৰদেশৰ হৈ ৰঞ্জি ট্ৰফী আৰু অন্যান্য প্ৰতিযোগিতাত খেলিছে আৰ্যমনে।
সেই আৰ্যমনেই ২০২৩ চনত আদিত্য বিৰলা ফেশ্বন এণ্ড ৰিটেইল লিমিটেডৰ পৰিচালক হিচাপে নিযুক্তি লাভ কৰে। এই পদ গ্ৰহণ কৰাৰ পূৰ্বে আৰ্যমনে ইতিমধ্যে ক্ৰিকেটাৰ হিচাপে নিজৰ নাম উজলাইছে। কিন্তু পিতৃৰ ইমান ডাঙৰ ব্যৱসায় থকাত সেই ব্যৱসায়ৰ নামতে নিজৰ ক্ৰিকেট কেৰিয়াৰ এৰি ২০১৯ চনত ক্ৰিকেটৰ পৰা অৱসৰ লৈ ব্যৱসায়ত নামি পৰে।
আৰ্যমনৰ নেট ৱৰ্থ আজি পৰ্যন্ত ৰাজহুৱা কৰা হোৱা নাই। কিন্তু সংবাদ মাধ্যমৰ খবৰ অনুসৰি তেওঁৰ সম্পত্তি ৭০ হাজাৰ কোটি টকাৰো অধিক বুলি কোৱা হৈছে। আৰ্যমনৰ তুলনাত সংবাদ মাধ্যমৰ বাতৰি অনুসৰি এম এছ ধোনিৰ সম্পত্তিৰ পৰিমাণ ১ হাজাৰ কোটি টকা। বিৰাট কোহলী ১০৫০ কোটি টকা আৰু শচীন তেণ্ডুলকাৰৰ ১২৫০ কোটি টকা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
