মনৰ পছন্দৰ ঘৰ সকলোৱে নিৰ্মাণ কৰিব খোজে৷ কিন্তু ইয়াৰ বাবে প্ৰচুৰ টকাৰ দৰকাৰষ বহু টকা একেলগে বাহিৰ কৰাৰ দৰে পৰিস্থিতি সকলো সময়তে নাথাকে৷ তেতিয়া সকলোৰে শেষ ভৰষা হয় হোম লোন৷ মাহিলী EMIৰ মাধ্যমেৰে সেই ধন শোধ কৰিব লগা হয়৷
ধৰা হ’ল কোনোৱে ICICI বেংকৰ পৰা ১৫ বছৰৰ বাবে ৪০লাখ টকা হোম লোন ল’ব খোজে৷ তেন্তে তেওঁ মাহিলী কিমান টকা EMI ভৰিব লাগিব? EMIৰ পৰিমাণ নিৰ্ভৰ কৰে সুদৰ ওপৰত৷ আৰু সুদৰ হাৰ ঠিক হয় ছিবিল স্কৰৰ ওপৰত ভিত্তি কৰি৷
ছিবিল স্ক’ৰ বা ক্ৰেডিট স্ক’ৰ বেছি হ’লে কম সুদৰ হাৰত ঋণ পোৱা যায়৷ সাধাৰণতে ছিবিল স্ক’ৰ ৩০০ৰ পৰা ৯০০ পয়েণ্টৰ মাজত গণনা কৰা হয়৷ বিশেষজ্ঞসকলৰ মতে গ্ৰাহকৰ ছিবিল স্ক’ৰ যদি কমেও ৭৫০ৰ ওপৰত হয় তেন্তে তেওঁ সহজেই ঋণ পায়৷ আৰু বেংকসমূহেও প্ৰাথমিক সুদৰ হাৰত ঋণ অফাৰ কৰে৷ ছিবিল স্ক’ৰ উন্নত কৰিবলৈ গ্ৰাহকে আৰ্থিক লেনদেন আৰু অৰ্থ প্ৰদানৰ ক্ষেত্ৰত শৃংখলাবদ্ধ হ’ব লাগিব৷ ছিবিল স্ক’ৰ বেয়া হ’লে ঋণ পোৱাৰ সম্ভাৱনা কমি যায়৷ পালেও সুদৰ হাৰ বেছি হ’ব৷
ICICI বেংকৰ পৰা ১৫বছৰৰ বাবে ৪০ লাখ টকাৰ হোম লোন ল’লে প্ৰতিমাহে কিমান টকা EMI হিচাপে দিব লাগিব? ICICI বেংকে ২০২৪ চনৰ ৩১ ডিচেম্বৰ পৰ্যন্ত ৫ কোটি টকাৰ হোম লোন প্ৰতি বছৰে ৯শতাংশ সুদৰ হাৰত অফাৰ কৰিছে৷ কিন্তু ICICI বেংকৰ পৰা প্ৰতি বছৰে ৯শতাংশ হাৰত হোম লোন পোৱাৰ বাবে গ্ৰাহকৰ ছিবিল স্ক’ৰ ৮০০ অথৱা তাতকৈ বেছি হ’ব লাগিব৷ অৰ্থাৎ প্ৰতি বছৰে ৯শতাংশ সুদৰ হাৰত কোনোৱে যদি ICICI বেংকৰ পৰা ১৫ বছৰৰ বাবে ৪০লাখ টকাৰ হোম লোন লয় তেতিয়া তেওঁ প্ৰতিমাহে ৪০,৫৭১ টকা EMI দিব লাগিব৷ প্ৰতিবছৰে ৯শতাংশ সুদৰ হাৰত ১৫ বছৰৰ বাবে লোন ল’লে তেওঁ বেংকক সুদৰ বাবদ দিব লাগিব মুঠ ৩৩,০২,৭১৯ টকা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
