মহিলাসকলৰ বাবে আৰম্ভ হোৱা প্ৰকল্পৰ ভাট্টা পাইছে এইবাৰ ছানি লিয়নীয়েও৷ প্ৰতি মাহে তেওঁৰ বেংক একাউণ্টত সোমাইছে এক হাজাৰ টকা৷ এই খবৰ ভাইৰেল হোৱাৰ পাছতেই আচৰিত সকলো৷ সঁচাকৈয়ে আৰ্থিক সংকটত পৰিছে নেকি ছানি?
২০২৪ চনৰ মাৰ্চত মহিলাসকলৰ বিকাশৰ উদ্দেশ্যে ছত্তীছগড়ত আৰম্ভ হৈছে মহতৰী বন্ধন যোজনা৷ প্ৰধানমন্ত্ৰী নৰেন্দ্ৰ মোদীয়ে এই প্ৰকল্পৰ সূচনা কৰে৷ এই প্ৰকল্পত বিবাহিত মহিলাসকলে প্ৰতি মাহে ভাট্টাৰ বাবদ ১হাজাৰকৈ টকা চৰকাৰে দিব৷ বেংক একাউণ্টত সেই টকা প্ৰদান কৰা হয়৷ ছত্তিছগড়ত এই প্ৰকল্পৰ অৰ্থপ্ৰাপকসকলৰ তালিকাত দেখা গৈছে যে প্ৰতি মাহে ভাট্টাৰ বাবদ ১হাজাৰকৈ টকা লাভ কৰিছে ছানি লিয়নীয়েও৷
ছত্তীছগড়ৰ বাস্তাৰ জিলাৰ তালুৰ গাওঁত এই প্ৰতাৰণা হৈছে৷ তদন্তত বীৰেন্দ্ৰ যোশী নামৰ এজন ব্যক্তিক গ্ৰেপ্তাৰ কৰা হৈছে৷ তেওঁক কৰা জেৰাত জনা গৈছে যে এই প্ৰকল্পত নথিভুক্তিৰ সময়ত তেওঁ ছানিৰ নামত এটা একাউণ্ট খুলিছিল৷ বীৰেন্দ্ৰই এই ধন ইমানদিনে ছানিৰ নামত লৈ আহিছিল৷
২০২১ চনৰ বিধানসভা নিৰ্বাচনৰ পূৰ্বে পশ্চিমবংগ জুৰি আৰম্ভ হৈছিল লক্ষ্মী ভাণ্ডাৰ প্ৰকল্প৷ মহিলাসকলৰ বাবে তৈয়াৰ কৰা এই প্ৰকল্পত প্ৰতি মাহে ৫০০ টকা ভাট্টা দিছে ৰাজ্য চৰকাৰে৷ টকাৰ পৰিমাণ বঢ়াই দিয়া হৈছে ১০০০ লৈকে৷ মমতা বেনাৰ্জীৰ এই প্ৰকল্পৰ পাছতেই এই কাম অনুসৰণ কৰিছে বহু ৰাজ্যই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
