ৰাজনৈতিক মহলত সলনি হোৱাৰ দিশে দৃশ্যপট! মোদীৰ সংগ এৰি লালুৰ লগ হ’ব নেকি নীতিশ কুমাৰ
দেশৰ ৰাজনৈতিক পট সলনি হোৱাৰ ইংগিত। নীতিশ কুমাৰে কৌতুহলৰ সৃষ্টি কৰিছে ৰাজনীতিত। লালু প্ৰসাদৰ এক মন্তব্যৰ পাছতে বিহাৰৰ লগতে সমগ্ৰ দেশৰে ৰাজনৈতিক দৃশ্যপট সলনি হোৱাৰ দিশে। অৱশ্যে এয়া কিমানদূৰ সম্ভৱ সেয়াহে এতিয়াই কোৱা টান।
মুখ্যমন্ত্ৰী নীতিশ কুমাৰ ৰাষ্ট্ৰীয় গণতান্ত্ৰিক মিত্ৰজোঁটত থাকিব নে মহা গোটবন্ধনত যোগদান কৰিব? এই প্ৰশ্নই এতিয়া সকলোৰে মনত কৌতুহলৰ সৃষ্টি কৰিছে।
এই প্রশ্নৰ মূলতে আছে ৰাষ্ট্রীয় জনতা দলৰ সুপ্রেম’ লালু প্রসাদ যাদৱে দিয়া এক বক্তব্য। যিয়ে অধিক চাঞ্চল্যৰ সৃষ্টি কৰিছে৷ সাংবাদিকৰ সৈতে হোৱা কথা বতৰাত লালু প্ৰসাদে কয় যে ,- মুখ্যমন্ত্ৰী নীতিশ কুমাৰৰ বাবে গ্ৰেণ্ড এলায়েন্সৰ দুৱাৰ সদায়ে মুকলি। একেলগে আহি কাম কৰাৰ বাবেও নীতিশ কুমাৰক আহ্বান জনাই লালু প্ৰসাদে।
লগতে লালু প্ৰসাদে যাদৱে ইয়াকো কয় যে, ‘যদি নীতিশ কুমাৰ মহা গোটবন্ধনৰ সৈতে আহিব বিচাৰে তেন্তে আহিব লাগে’। লালু প্ৰদাসৰ এই বক্তব্যই এতিয়া ৰাজনৈতিক মহলত আলোড়ন তীব্ৰতৰ কৰি তুলিলে। ইয়াৰ ফলত এন ডি এ শিবিৰৰ অস্থিৰতাও বৃদ্ধি পাইছে।
যদিহে লালু প্ৰসাদ যাদৱে কোৱা কথা সঁচা প্ৰমাণিত কৰে নীতিশ কুমাৰে বিজেপী তথা মোদীৰ সংগ এৰি মহা গোটবন্ধনৰ হাতত ধৰে তেন্তে বিপদত পৰিব মোদী চৰকাৰো। কিয়নো কিং মেকাৰ নীতিশ কুমাৰৰ জোৰতে তৃতীয়বাৰৰ বাবে প্ৰধানমন্ত্ৰীত্ব লাভ কৰিছিল নৰেন্দ্ৰ মোদীয়ে। সেয়ে এতিয়া ৰাজনৈতিক মহলত বিভিন্ন জনৰ মনত বিভিন্ন প্ৰশ্ন।
উল্লেখ্য যে, ১ জানুৱাৰী আৰজেডিৰ চুপ্ৰেম’ লালু প্ৰসাদ যাদৱৰ পত্নী তথা প্ৰাক্তন মুখ্যমন্ত্ৰী ৰাবৰি দেৱীৰ জন্মদিন আছিল। সেই জন্মদিনতে সাংবাদিকসকলে লালু প্ৰসাদক মুখ্যমন্ত্ৰী নীতিশ কুমাৰৰ বিষয়ে সোধাত তেওঁ স্পষ্টকৈ কয় যে মুখ্যমন্ত্ৰী নীতিশ কুমাৰৰ বাবে সকলো দুৱাৰ সদায় খোলা থাকে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
