মাঘ বিহুৰ দিনাই বিহু সম্ৰাট খগেন গগৈৰ ঘৰত দুৰ্বৃত্তৰ আক্ৰমণ, প্ৰাণে মৰাৰ ভাবুকি
মাঘ বিহুৰ দিনাই বিহু সম্ৰাট খ্যাত শিল্পী খগেন গগৈ আৰু তেওঁৰ পৰিয়ালক হত্যাৰ ভাবুকি। ঘৰৰ চোতালতে প্ৰাণে মৰাৰ ভাবুকি শিল্পী গৰাকীক। কেৱল ভাবুকি দিয়াই নহয়, খগেন গগৈৰ ভাতৃ আৰু বোৱাৰীক প্ৰহাৰো কৰে দুৰ্বৃত্তই।
ঘটনা সন্দৰ্ভত খগেন গগৈয়ে কয় যে, ‘বিহুৰ দিনাই মই অন্তৰত দুখ পাইছো, মোৰ ভাই আৰু ভতিজাক আহি চোতালতে প্ৰহাৰ কৰিলে। লগতে ইয়াকো কয় যে, ঘৰৰ ভিতৰত সোমাই মোৰ বোৱাৰীৰ গাত হাতো দিছে দুৰ্বৃত্তই।
সুৰা পান কৰি আহি ডেকা ল’ৰাই এইদৰে ঘৰত আহি ভাবুকি দিয়াৰ কথা উল্লেখ কৰে শিল্পীগৰাকীয়ে। তেখেতে কয় যে, মদ খাব পাৰে, কিন্তু ধৈৰ্য, সহ্য লাগে, ঘৰৰ ভিতৰত প্ৰৱেষ কৰি মোৰ বোৱাৰীজনীক ঠেলামাৰি দিয়াতো সাংঘাতিক কথা।
উল্লেখ্য যে, উৰুকাৰ নিশা খগেন গগৈৰ ৰাজীৱ নগৰ স্থিত ঘৰলৈ দুজন মান স্থানীয় যুৱকে আহি শিল্পীগৰাকীক ভাবুকি দিয়াৰ লগতে ভাতৃক গুৰুলাগুৰুলকৈ প্ৰহাৰ কৰে। যাৰ ফলত লগে লগেই খগেন গগৈৰ ভাতৃক গুৱাহাটী মেডিকেল কলেজ হাস্পতালত ভৰ্তি কৰোৱা হয়।
ইতিমধ্যে ভগদত্তপুৰ আৰক্ষী থানাত এজাহাৰ দাখিল কৰিছে খগেন গগৈয়ে। এজাহাৰ ভিত্তিত আৰক্ষীয়েও তদন্ত আৰম্ভ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
