বিশ্বৰ সেই একমাত্ৰ ক্ৰিকেটাৰগৰাকী, যাক দিয়া হৈছিল মৃত্যুদণ্ড, বিশ্ব ক্ৰিকেটত সৃষ্টি হৈছিল হুলস্থুলৰ
ক্ৰিকেট জগতখৰ পৰা এনে কিছুমান কাহিনী পোহৰলৈ আহে যিবোৰ জানিলে আপুনি আচৰিত হৈ পৰিব। তাৰেই মাজৰ এটা কাহিনী হৈছে এগৰাকী এনে খেলুৱৈৰ যাক ফাঁচীৰ শাস্তি প্ৰদান কৰা হৈচিল।
সেই ক্ৰিকেটাৰগৰাকী ৱেষ্ট ইণ্ডিজৰ, যাক মৃত্যুদণ্ড দিয়া হৈছিল। ৱেষ্ট ইণ্ডিজৰ প্ৰাক্তন ফাষ্ট বলাৰ লেছলি হাইল্টন হৈছে বিশ্বৰ একমাত্ৰ ক্ৰিকেটাৰ যাক ফাঁচী দিয়া হৈছিল। ১৯৫৫ চনত পত্নীক হত্যা কৰাৰ অপৰাধত হিল্টনক ফাঁচী দিয়া হৈছিল।
লেছলি হাইল্টনে নিজৰ কেৰিয়াৰত মুঠ ৬ খন টেষ্ট মেচ খেলিছিল আৰু এই ৬ খন টেষ্ট মেচত লেছলিয়ে ১৬ টা উইকেট দখল কৰিবলৈ সক্ষম হৈছিল। ইয়াৰ উপৰি ৪০ খন প্ৰথম শ্ৰেণীৰ মেচ খেলিছিল।
১৯৪২ চনত লেচলি হাইল্টনে লুৰলিন ৰোজৰ সৈতে বিবাহপাশত আবদ্ধ হয়। দুয়োৰে জীৱন ভালদৰে চলি আছিল যদিও ১৯৫৪ চনত তেওঁলোকৰ মাজত মতানৈক্যৰ সৃষ্টি হ’বলৈ ধৰে। পত্নীৰ অবৈধ সম্পৰ্কৰ বাবেই সৃষ্টি হৈছিল এই মতানৈক্যৰ।
পত্নীৰ এই কাৰ্য্যত হিল্টনে ইমানেই বিচলিত হৈ পৰিছিল যে ক্ৰোধতে ৭ টাকৈ গুলী কৰিছিল পত্নীক। অৱশেষত ১৯৫৪ চনৰ ২০ অক্টোবৰত আদালতে হিল্টনক পত্নীক হত্যা কৰাৰ অপৰাধত মৃত্যুদণ্ডৰ শাস্তি প্ৰদান কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
