মাঘ মাহৰ শুক্লপক্ষৰ পঞ্চমী তিথিত হয় দেৱী সৰস্বতীৰ আৰাধনা৷ সৰস্বতী পূজাৰ ওপৰিও এই দিনটো বসন্ত পঞ্চমী হিচাপেও পালিত হয়৷ এই দিনটোত আবিৰ্ভাৱ হৈছিল জ্ঞান, বিদ্যা আৰু শিল্পকলাৰ দেৱী সৰস্বতী৷ এই বছৰ কেতিয়া পালিত হ’ব দেৱী সৰস্বতীৰ পূজা? এই বিষয়টোক লৈ সংশয়ে দেখা দিছে বহুতৰেই মনত৷ জানি থওক পঞ্জিকা অনুসৰি বসন্ত পঞ্চমী কেতিয়া? দেৱী সৰস্বতীৰ আৰাধনা কৰাৰ সঠিত দিন কেতিয়া?
সৰস্বতী পূজা ২০২৫ৰ দিনক্ষণ
মাঘ মাহৰ শুক্ৰপক্ষৰ পঞ্চমী তিথিত পালিত হয় সৰস্বতী পূজা৷ দৃকপঞ্জিকা অনুসৰি ২ ফেব্ৰুৱাৰী দেওবাৰে পুৱা ৯ বাজি ১৪ মিনিটত পঞ্চমী পৰিছে৷ ৩ ফেব্ৰুৱাৰী সোমবাৰে পুজা ৬বাজি ৫২ মিনিট পৰ্যন্ত পঞ্চমী থাকিব৷ তাৰপাছতেই মাঘৰ শুক্লা ষষ্ঠী তিথি পৰিব৷ উদয়া তিথি অনুসৰি ৩ ফেব্ৰুৱাৰীত বসন্ত পঞ্চমী৷ কিন্তু সেইদিনা যিহেতু খুব পুৱাৰ ভাগতেই পঞ্চমী এৰিব সেয়ে ২ নে ৩ ফেব্ৰুৱাৰীত সৰস্বতী পূজা কৰিব সেই বিষয়ক লৈ চিন্তাত পৰিছে বহুজন৷ আকৌ বেণীমাধৱ শীলৰ গাৰ্হস্থ্য পঞ্জিকা অনুসৰি দেওবাৰে ১২ বাজি ৩৪ মিনিটত পঞ্চমী পৰিব৷ সোমবাৰে ৯ বাজি ৫৯ মিনিটত পঞ্চমী শেষ হ’ব৷ পুৱা পঞ্চমী এৰিলেও বসন্ত পঞ্চমী তিথি যিহেতু ৩ ফেব্ৰুৱাৰী সেয়ে এই দিনটোতেই পূজা কৰাৰ পৰামৰ্শ দিছে জ্যোতিষবিদে৷
বসন্ত পঞ্চমীৰ মাহাত্ম্য
এই দিনটোত মা সৰস্বতীৰ ওপৰিও গণেশ, লক্ষ্মী, নৱগ্ৰহ, বহী-কিতাপ, কলম আৰু বাদ্যযন্ত্ৰৰ পুজা কৰাৰো ৰীতি প্ৰচলিত আছে৷ বসন্ত পঞ্চমীৰ পৰা শীত ঋতুৰ অৱসান ঘটি বসন্ত আগমন ঘটে এই দিনটোৰ পৰাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
