কৰ্মক্ষমতা বজায় ৰাখিবলৈ হওক বা কিংবা যৌনজীৱনৰ সুস্থতা, পুৰুষসকলৰ টেষ্টোষ্টেৰণ হৰমনৰ ক্ষৰণ যথাযথ হোৱাৰ প্ৰয়োজন৷ পুৰুষৰ শৰীৰত শাৰীৰিক আৰু মানসিক সুস্বাস্থ্যৰ বাবে টেষ্টোষ্টেৰণ হৰমন এক জৰুৰী উপাদান৷ বয়স বঢ়াৰ লগতে অনিয়ন্ত্ৰিত জীৱনযাপন, অতিৰিক্ত ধূমপানসহ আৰু নানান কাৰণত এই টেষ্টোষ্টেৰণ হৰমনৰ মাত্ৰা কমি যায়৷ যাৰবাবে বহুতেই ঔষধ কিংবা ইনজেকছনৰ সাহায্য লয়৷ কিন্তু বিশেষজ্ঞসকলৰ মতে প্ৰাকৃতিক উপায়েৰে শৰীৰত এই হৰমনৰ ক্ষৰণ বঢ়োৱা সম্ভৱ৷ জানি থওক টেষ্টোষ্টেৰন হৰমন বঢ়োৱাৰ ৬ উপায়৷
১. টেষ্টোষ্টেৰণ হৰমনৰ ক্ষৰণ ঠিক ৰখাৰ বাবে সুষম খাদ্যভাষ জৰুৰী৷ কিছু নিৰ্দিষ্ট খাদ্যই টেষ্টোষ্টেৰণৰ ক্ষৰণ বঢ়াই বুলি বৈজ্ঞানিকভাৱে প্ৰমাণিত৷ যাৰ ভিতৰত আছে আদা আৰু বেদানা৷ এই দুবিধ খাদ্যই টেষ্টোষ্টেৰণৰ মাত্ৰা বঢ়াব পাৰে৷
২. যি কোনো ধৰণৰ শৰীৰচৰ্চা তেজত টেষ্টোষ্টেৰণ বঢ়াত সহায়ক৷ নিৰ্দিষ্ট কিছু ব্যায়াম যেনে স্কোৱাট, ডেডলিফট, বেঞ্চ প্ৰেছ, পুছ আপ বেছি উপকাৰী৷
৩. ওজন নিয়ন্ত্ৰণত ৰাখিব লাগিব৷ শৰীৰত মেদ জমা হ’লে পুৰুষৰ টেষ্টোষ্টেৰণৰ ক্ষৰণ কমি যায়৷ সেয়ে ওজন কমাই শৰীৰ স্লিম কৰি ৰাখিলে এই হৰমণৰ ক্ষৰণ বাঢ়িব পাৰে৷
৪. ভিটামিন ডিৰ অভাৱত টেষ্টোষ্টেৰণৰ ক্ষৰণ কমি যাব পাৰে৷ ৰ’দত সময় কটালে শৰীৰত ভিটামিন ডিৰ অভাৱ পূৰণ হয়৷ ইয়াৰসৈতে ভিটামিন ডি যুক্ত খাদ্য আৰু চিকিৎসকৰ পৰামৰ্শত ছাপ্লিমেণ্ট খাব পাৰে৷ ইয়াৰসৈতে জিংক আৰু মেগনেছিয়ামযুক্ত খাদ্যও ডায়েটত ৰাখিব পাৰে৷
৫. মানসিক চাপ বাঢ়িলে টেষ্টোষ্টেৰণৰ ক্ষৰণ কমি যাব পাৰে৷ সেয়ে মন মুক্ত কৰি ৰখা জৰুৰী৷ প্ৰয়োজনত চিকিৎসকৰ পৰামৰ্শ লওক৷ মেডিটেছন কৰিলেও উপকাৰ পাব৷ ইয়াৰ সৈতে পৰ্যাপ্ত টোপনি হোৱাটোও জৰুৰী৷
৬. মদ্যপান আৰু ধূমপান কমাওক৷ বেছি মদ্যপান কৰিলেও টেষ্টোষ্টেৰণৰ ক্ষৰণ কৰি যায়৷ ধূমপানত ক্ষতি আৰু বেছি৷ ফলত যৌনজীৱন সুখকৰ ৰাখিবলৈ এই দুটা নিয়ন্ত্ৰণত ৰখাটো জৰুৰী৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
