চেম্পিয়নছ ট্ৰফী- পূৰ্বৰ তুলনাত ৫৩ গুণ বৃদ্ধি এইবাৰৰ পুৰস্কাৰৰ ধন, কিমান টকা পাব বিজয়ী দলে
এইবাৰ ১৯ ফেব্ৰুৱাৰীৰ পৰা আৰম্ভ হব লগা চেম্পিয়নছ ট্ৰফীৰ বিজয়ী দলটোৰ ওপৰত ধনৰ বৰষুণ হ’ব। আজি শুকুৰবাৰে আন্তঃৰাষ্ট্ৰীয় ক্ৰিকেট পৰিষদে চলিত ছিজনৰ পুৰস্কাৰৰ ধন ঘোষণা কৰে। এইবাৰ চেম্পিয়নছ ট্ৰফীৰ পুৰস্কাৰৰ ধন ২০১৭ চনত অনুষ্ঠিত হোৱা শেষ সংস্কৰণতকৈ ৫৩ গুণ অধিক।
এইবাৰ আইচিচিয়ে ঘোষণা কৰিছে মুঠ পুৰস্কাৰ ধন ৬৯ লাখ ডলাৰ (প্ৰায় ৬০ কোটি টকা)।
ইয়াৰে বিজয়ীয়ে লাভ কৰিব ২২.৪ মিলিয়ন ডলাৰ (প্ৰায় ২০ কোটি টকা)।
ৰানাৰ্ছ আপে আধা ধন অৰ্থাৎ ১১ লাখ ২০ হাজাৰ ডলাৰ (৯.৭২ কোটি টকা) লাভ কৰিব।
ছেমি ফাইনেলত পৰাস্ত হোৱা দলসমূহে লাভ কৰিব ৫ লাখ ৬০ হাজাৰ ডলাৰ (৪.৮৬ কোটি টকা)।
কেৱল এয়াই নহয়, প্ৰতিযোগিতাখনত অংশগ্ৰহণ কৰা আঠটা দলেই ১,২৫,০০০ ডলাৰ লাভ কৰিব।
১৯ ফেব্ৰুৱাৰীৰ পৰা আৰম্ভ হ’বলগীয়া প্ৰতিযোগিতাখনৰ পূৰ্বে আইচিচিৰ সভাপতি জয় শ্বাহে এক বিবৃতিত কয় যে, ‘এই পুৰস্কাৰৰ ধনে আইচিচিৰ খেলখনত বিনিয়োগ আৰু আমাৰ প্ৰতিযোগিতাসমূহৰ বিশ্বব্যাপী সুনাম বজাই ৰখাৰ প্ৰতিশ্ৰুতি দেখুৱাইছে।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
