কেন্দ্ৰীয় চৰকাৰৰ কৰ্মীয়ে এইবাৰ পাব আন এক সুখবৰ৷ দৌলযাত্ৰাৰ পূৰ্বেই অৰ্থাৎ জানুৱাৰীৰ পৰা জুনৰ দৰমহা বৃদ্ধিৰ যি ধন সেই মহাৰ্ঘভাট্টা বৃদ্ধি হ’ব কৰ্মচাৰীসকলৰ৷ ৰিপৰ্ট অনুসৰি দৌলযাত্ৰাৰ পূৰ্বেই কেন্দ্ৰীয় চৰকাৰৰ কৰ্মীসকলৰ মহাৰ্ঘভাট্টা ২শতাংশকৈ বৃদ্ধি পাব৷ অৰ্থাৎ এই মাহতেই সুখবৰ পাব কেন্দ্ৰীয় চৰকাৰীৰ কৰ্মীসকলে৷
মূলত বছৰত দুবাৰকৈ এই মহাৰ্ঘভাট্টা বৃদ্ধি কৰা হয় কেন্দ্ৰীয় চৰকাৰৰ পক্ষৰ পৰা৷ এবাৰ বৃদ্ধি হয় জানুৱাৰী মাহত আৰু এবাৰ বৃদ্ধি হয় জুলাই মাহত৷ প্ৰথম দুটি ছাইকেলৰ প্ৰথমটো চলে জানুৱাৰীৰ পৰা জুন মাহ পৰ্যন্ত৷ এই প্ৰথম চাইকেলৰ মহাৰ্ঘভাট্টাৰ বৃদ্ধিৰ ঘোষণা হ’ব হোলীৰ পূৰ্বে৷ ইয়াৰ মাধ্যমেৰে বৰ্তমান মুদ্ৰাস্ফীতিৰ হাৰৰ সৈতে সংগতি ৰাখি কেন্দ্ৰীয় চৰকাৰৰ কৰ্মীসকলৰ টেক হোম দৰমহাও বঢ়াৰ সম্ভাৱনা আছে৷
কেন্দ্ৰীয় চৰকাৰৰ কৰ্মীসকলৰ মহাৰ্ঘভাট্টা এই মাহৰ মাজত ২শতাংশ হাৰত বৃদ্ধি পাব৷ দৌলৰ পূৰ্বেই এই ডি এ বৃদ্ধিৰ ঘোষণা কৰিব পাৰে কেন্দ্ৰই৷ ইয়াৰপাছতেই ডিয়াৰনেছ এলায়েন্সো বাঢ়ি হ’ব ৫৩শতাংশৰ সলনি ৫৫শতাংশ৷ বেছিক পেৰ সৈতে এই অতিৰিক্ত ধন লাভ কৰিব কৰ্মচাৰীসকলে৷ আগন্তুক ১৪ মাৰ্চত দেশজুৰি পালিত হ’ব হোলি, তাৰ পূৰ্বেই এই ডি এ বৃদ্ধি পাব বুলি সম্ভাৱনা ব্যক্ত কৰিছে বহুসংখ্যক বিশেষজ্ঞই৷
ইয়াৰ পূৰ্বে ২০২৪ চনৰ অক্টোবৰ মাহত ৩ শতাংশ হাৰত মহাৰ্ঘভাট্টা বঢ়োৱা হৈছিল কেন্দ্ৰীয় চৰকাৰৰ কৰ্মীসকলৰ৷ যি সমস্ত কৰ্মীৰ বেছিক পে ১৮ হাজাৰ টকা প্ৰতি মাহে, তেওঁলোকৰ বেতনৰ সৈতে ১ জানুৱাৰী ২০২৫ৰ পৰা অতিৰিক্ত ৩৬০ টকা যুক্ত হৈছে৷ ফলত এতিয়া পূৰ্বতকৈ বেছিকৈ দৰমহা লাভ কৰিছে কৰ্মীসকলে৷ এইবাৰ ডি এ বাঢ়িলে দৰমহা আৰু বৃদ্ধি পাব৷ যদি কাৰোবাৰ মাহিলী দৰমহা ৩০,০০০ টকা তেওঁলোকৰ বেছিক পে হয় ১৮ হাজাৰ টকা আৰু এইবাৰ ডি এ হিচাপে তেওঁলোকে পাব ৯৫৪০ টকা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
