OYOৰ বাম্পাৰ অফাৰ! সম্পূৰ্ণ ফ্ৰিতেই ৰুম বুক কৰক হোটেলৰ, কিমান দিন থাকিব এই সুযোগ?

হোটেলত থকাৰ বাবে বহুতেই বাচি লয় OYO৷ এইবাৰ গ্ৰাহকৰ সুবিধা হোৱাকৈ আৰু এক ডাঙৰ ঘোষণা কৰিছে OYOই৷ OYOই বিনামূলীয়াকৈ হোটেলত থকাৰ অফাৰ দিছে৷ কিমানদিনৰ বাবে এই অফাৰ দিয়া হৈছে? বিশদ তথ্য জানি থওক৷

এই অফাৰ মুঠ ৫দিনৰ বাবে দিছে OYOই৷ অৰ্থাৎ অফাৰৰ আওঁতাত পাঁচদিন বিনামূলীয়াকৈ হোটেলত থাকিব পাৰিব গ্ৰাহকে৷ সেই অফাৰ এক্স হেণ্ডেলত পোষ্ট কৰি নিজেই জনাই দিছে OYOই৷ OYO ৰ ফাউণ্ডাৰ ৰিতেশ আগৰবালাই এক্স হেণ্ডেলত পোষ্ট কৰি জনাইছে যে এই উইকেণ্ডক আৰু বিশেষ কৰি তুলক৷ আপোনাৰ প্ৰিয়জনৰ সৈতে সুন্দৰ মুহূৰ্ত উপভোগ কৰক৷ ভ্ৰমণ কৰক, আপোনাৰ মুহূৰ্তসমূহক চিৰকালৰ বাবে স্মৰণীয় কৰি তোলক৷

দেশজুৰি ১০০০ হোটেলত এই অফাৰ উপলব্ধ৷ ইয়াৰ অধীনত যিকোনো সময়ত ৰুম বুক কৰি বিনামূলীয়াকৈ থাকিব পাৰিব৷ প্ৰিমিয়াম, বাজেট, টাউনহাউচ প্ৰায় সকলো কেটাগৰীৰ ৰুমৰ বাবে এই অফাৰ প্ৰযোজ্য৷ কিন্তু হঠাৎ কিয় এই বিশেষ অফাৰ কৰিছে OYOই? সম্প্ৰতি চেম্পিয়ন্স ট্ৰফি ঘৰলৈ আনিছে ভাৰতীয় ক্ৰিকেট দলে৷ সেই সুখৰ সৈতে জড়িত হৈ আছে হোলিৰ আনন্দ৷ চেলিব্ৰেছনৰ বাবে OYOই এই বিশেষ অফাৰ দিছে৷

কিন্তু এই সুযোগ কিমানদিন পৰ্যন্ত আছে? তেওঁ জনাইছে যে ১৮ মাৰ্চ পৰ্যন্ত OYOই এই অফাৰ দিছে৷ ‘CHAMPION’ কুপন দিয়ে বিনামূলীয়া বুকিং৷ এই অফাৰৰ সুবিধা ল’বলৈ OYOৰ ৱেবচাইট বুকিং কৰাৰ সময়ত CHAMPION কুপন কোড ব্যৱহাৰ কৰক৷

এই অফাৰ কেৱল প্ৰথম ২০০০ বুকিং পৰ্যন্ত সীমিত৷ অৰ্থাৎ ২০০০ গ্ৰাহকে বিনামূলীয়াকৈ থকাৰ সুযোগ পাব৷ বন্ধুৰ সৈতেই হওক বা পৰিয়ালৰ সৈতেই হওক ফুৰিবলৈ গলে আপুনি ফ্ৰিতে থাকিব পাৰিব OYOত৷