চাঞ্চল্যকৰ! বিজেপি নেতা তথা প্ৰাক্তন মন্ত্ৰী মনোৰঞ্জন কলিয়াৰ বাসগৃহত বিস্ফোৰণ
পঞ্জাৱৰ জলন্ধৰ ভাৰতীয় জনতা পাৰ্টিৰ নেতা তথা পঞ্জাৱৰ প্ৰাক্তন মন্ত্ৰী মনোৰঞ্জন কলিয়াৰ ঘৰত মাজ নিশা ব্যাপক বিস্ফোৰণ। বিস্ফোৰণ সংঘটিত হোৱাৰ সময়ত বাসগৃহতে উপস্থিত আছিল বিজেপি নেতাগৰাকী। এই ঘটনাত বিজেপি নেতাগৰাকীৰ লগতে পৰিয়ালৰ লোক আতংকিত। ঘটনাস্থলীত উপস্থিত আৰক্ষীৰ দল।
ঘটনা সন্দৰ্ভত তথ্য দি বিজেপি নেতা মনোৰঞ্জন কলিয়াই কয়, ‘নিশা প্ৰায় ১ মান বজাত সংঘটিত হয় এই বিস্ফোৰণ। সেই সময়ত শুই আছিল তেখেত, প্ৰথমে ভাবিছিল সেই শব্দ বজ্ৰপাতৰ। কিন্তু পিছত জানিব পাৰে সেয়া গ্ৰেনেড বিস্ফোৰণ ঘটিছে।
লগে লগে আৰক্ষীলৈ খবৰ কৰে নেতাগৰাকীয়ে। বাসগৃহৰ চিচিটিভি সমূহৰো পৰীক্ষা চলি আছে, ফৰেনছিক বিশেষজ্ঞও ঘটনাস্থলীত উপস্থিত হৈ তদন্ত আৰম্ভ কৰিছে।
বিস্ফোৰণটো ইমানেই প্ৰচণ্ড যে সমগ্ৰ অঞ্চলটোত ইয়াৰ শব্দ শুনা যায়। যাৰ বাবে মনোৰঞ্জন কালিয়াৰ পৰিয়ালৰ লগতে চুবুৰিয়া লোক সকলো আতংকিত হৈ পৰে। বিস্ফোৰণৰ কাৰণ কি সেয়া এতিয়াও জানিব পৰা হোৱা নাই। বিস্ফোৰণৰ ফলত ঘৰৰ চোতালত ৰখা বহু বস্তুৰ ক্ষতিসাধন হয়। ঘৰৰ দুৱাৰ, গাড়ীৰ খিৰিকী আদি ভাঙি যোৱাৰ লগতে কেইবাখনো বাহনৰ ক্ষতিসাধন হয়।
উল্লেখ্য যে মনোৰঞ্জন কলিয়া ভাৰতীয় জনতা পাৰ্টিৰ এজন বিশিষ্ট নেতা তথা পঞ্জাৱৰ প্ৰাক্তন মন্ত্ৰী। দীৰ্ঘদিন ধৰি ৰাজনীতিত সক্ৰিয় হৈ থকা তেখেত জলন্ধৰ অঞ্চলত শক্তিশালী উপস্থিতিৰ বাবে পৰিচিত। তেওঁ পঞ্জাৱ চৰকাৰৰ বিভিন্ন পদত কাম কৰি আহিছে। তেওঁক পঞ্জাৱৰ বিজেপিৰ অন্যতম জ্যেষ্ঠ নেতা হিচাপে গণ্য কৰা হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
