‘মই কাকো অনুৰোধ নকৰো, আদেশ দিও’, দিগন্ত ভাৰতী সন্দৰ্ভত জুবিনৰ বিশেষ মন্তব্য
চানমাৰী বিহুত সংঘটিত হোৱা বহু বিতৰ্কিত ঘটনাত বৰ্তমানে ৰাজ্যজুৰি শিল্পী সমাজৰ তীব্ৰ প্ৰতিবাদ অব্যাহত আছে। শিল্পী দিগন্ত ভাৰতীক কৰা অপমানৰ বাবে চানমাৰী বিহু সমিতিয়ে দিগন্ত ভাৰতীৰ ওচৰত ক্ষমা বিচাৰিব লাগিব বুলি দাবী উত্থাপন কৰিছে বহু শিল্পীয়ে৷
এইবাৰ দিগন্ত ভাৰতীৰ হৈ মাত মাতিছে জুবিন গাৰ্গে। এটা সময়ত জুবিনৰ অতিকে জনপ্ৰিয় বহু কেইটা গীতৰ লিখক আছেল ভাৰতী। তাৰে ভিতৰত ‘মন যায়’, ‘মনে উভতি আহে লৰালি’ আদি অন্যতম।
জুবিনে দিগন্ত ভাৰতীৰ হৈ মাত মাতি কয় যে, চানমাৰি বিহু কমিটিয়ে দিগন্ত ভাৰতীয় ক্ষমা খোজক।
লগতে ইয়াকো কয় যে, ‘এয়া অনুৰোধ নহয়৷ জুবিন গাৰ্গৰ এয়া আদেশ৷ মই কাকো অনুৰোধ নকৰো, আদেশ দিও৷’
কালি নিশা নলবাৰীৰ হেলেচাত জুবিন গাৰ্গৰ বিহু অনুষ্ঠান আছিল। সেই অনুষ্ঠানে জুবিনে তেওঁৰ বন্ধু দিগন্ত ভাৰতীক বিহু সমিতিয়ে কৰা অপমান সন্দৰ্ভত এই মন্তব্য কৰে৷
কেৱল জুবিনেই নহয়, বহু কেইগৰাকী শিল্পী তথা অভিনেতা-অভিনেত্ৰীয়ো মাত মাতে দিগন্ত ভাৰতীৰ হৈ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
