প্ৰথমটো বলত ৬ কোবাবলৈ ভয় নকৰা বৈভৱে কোন বলাৰৰ নাম শুনিলেই ভয় কৰে
৩৫ টা বলত ১০১ ৰান কৰি অভিলেখ ৰচা ১৪ বছৰীয়া বৈভৱ এতিয়া সকলোফালে চৰ্চিত। এই শতকীয় ইনিংছত বৈভৱে কোবাই ৭ টা চাৰি আৰু ১১ টা ছয়। বৈভৱৰ বাবেই খেল খনত গুজৰাটৰ বিৰুদ্ধে ৮ উইকেটত জয় লাভ কৰে ৰাজস্থান দলে।
কিন্তু খেল খনত সকলো ভাৰতবাসী তথা বিশ্ববাসীৰে দৃষ্টি কাঢ়ে বৈভৱৰ মাথো ৩৫ টা বলত কৰা শতকীয় ইনিংছে। এই খেল খনত মেন অফ দা মেচৰ খিতাপো লাভ কৰে বৈভৱে। খেলৰ পাছত বৈভৱক প্ৰশ্ন কৰোতে বহুতো বহু ধৰণৰ।
১০০ ৰানৰ বিষয়ে সোধাত কয়- বহুত ভাল লাগি আছে, এয়া মোৰ আই পি এলৰ প্ৰথম শতক। বিগত বহু দিন ধৰি ইয়াৰ বাবে প্ৰস্তুতি চলাই আছিলো। তাৰে ফল পালো। মই কোনোদিনে খেলপথাৰ নাচাও, কেৱল বলটোৰ ওপৰত মনোযোগ দিও।
তাৰ পাছতে পুনৰ বৈভৱক সোধা হয়- খেলপথাৰত কেতিয়া ভয় লাগে, বা কোন বলাৰক ভয় লাগে। তেতিয়া অকনো সময় নষ্ট নকৰাকৈ বৈভৱে টপৰাই উত্তৰ দিয়ে- ‘নাই তেনে কোনো কথা নাই’। বৈভৱৰ এনে কথা শুনি এতিয়া দৰ্শকেও বাঃ বাঃ দিছে।
https://x.com/Loyalsachfan10/status/1917038627500265934
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
