ঐতিহাসিক আৰু সাংস্কৃতিক বন্ধন- ফিজিৰ ৰাষ্ট্ৰপতি আৰু প্ৰধানমন্ত্ৰীৰ সৈতে কেন্দ্ৰীয় বৈদেশিক পৰিক্রমা ৰাজ্যিক মন্ত্ৰী পবিত্র মার্ঘেৰিটা
ফিজি ৰিপাব্লিকৰ ৰাষ্ট্ৰপতি ৰাতু নাইকামা লালাবালাভুৱে ২০২৫ চনৰ ১২ মে’ত ষ্টেট হাউছত সৌজন্যতামূলক আহ্বানৰ সময়ত ভাৰতৰ বৈদেশিক পৰিক্ৰমা ৰাজ্যিক মন্ত্ৰী পবিত্ৰ মাৰ্ঘেৰিটাক আদৰণি জনায়।
ৰাষ্ট্ৰপতি লালাবালাভুৱে ফিজি চৰকাৰ আৰু ইয়াৰ জনসাধাৰণৰ হৈ উষ্ম শুভেচ্ছা জ্ঞাপন কৰি বিশেষকৈ গিৰমিট দিৱসৰ স্মৃতিচাৰণ অনুষ্ঠানত দুয়োখন ৰাষ্ট্ৰৰ মাজত থকা ঐতিহাসিক আৰু সাংস্কৃতিক বন্ধনক পুনৰ দৃঢ় কৰে। তেওঁ কয় যে যদিও ৫৪ বছৰ পূৰ্বে আনুষ্ঠানিকভাৱে কূটনৈতিক সম্পৰ্ক স্থাপন কৰা হৈছিল, ভাৰত-ফিজিৰ সংযোগ ভাৰতীয় ইনডেনচাৰ শ্ৰমিকৰ আগমনৰ পৰা ১৪৬ বছৰ আগলৈকে বিস্তৃত হৈ আছে, যাৰ বংশধৰসকলে এতিয়া ফিজিৰ সমাজৰ এক সজীৱ অংশ গঠন কৰিছে।
https://x.com/PmargheritaBJP/status/1921832492467937327
মন্ত্ৰী মাৰ্ঘেৰিটাই ফিজিৰ আতিথ্যৰ বাবে কৃতজ্ঞতা প্ৰকাশ কৰি দ্বীপ ৰাষ্ট্ৰক “ঈশ্বৰৰ নিজৰ দেশ” বুলি অভিহিত কৰে।
কেন্দ্ৰীয় বৈদেশিক পৰিক্রমা ৰাজ্যিক মন্ত্ৰী পবিত্র মার্ঘেৰিটাই ফিজিত গিৰমিটসকলৰ আগমনৰ ১৪৬সংখ্যক বাৰ্ষিকী উপলক্ষে অনুষ্ঠিত কৰা গিৰমিট দিৱসত ভাৰতবৰ্ষৰ হৈ অংশগ্ৰহণ কৰে। উক্ত অনুষ্ঠানটি ফিজিৰ প্ৰধানমন্ত্ৰী ছিটিভেনি ৰাম্বুকা তথা তেখেতৰ মন্ত্ৰীসভাৰ সদস্যসকলৰ গৌৰৱময় উপস্থিতিয়ে সৌষ্ঠৱ বৃদ্ধি কৰে।
ৰাজ্যিক বৈদেশিক মন্ত্ৰীগৰাকীয়ে তেখেতৰ বক্তব্যত এম ভি লিয়নিদাছ জাহাজৰ জৰিয়তে ভাৰতীয় শ্ৰমিকসকলে ( যাক গিৰমিটীয়া বুলি কোৱা হয়) ফিজিত প্রৱেশ কৰাৰ পৰা ফিজিৰ সামাজিক আৰু সাংস্কৃতিক দিশত তেওঁলোকে আগবঢ়োৱা অৰিহণাৰ কথা ব্যক্ত কৰে। ইয়াৰ লগতে ভাষা, বিশ্বাস, সংগীত, উৎসৱৰ জৰিয়তে নিজৰ পৰিচয় ৰক্ষা কৰাত গিৰমিটসকলৰ অপৰিসীম কষ্ট, ত্যাগ আৰু সহনশীলতাক মন্ত্ৰীগৰাকীয়ে শ্ৰদ্ধাৰে স্মৰণ কৰে। তেওঁলোকৰ উত্তৰ প্রজন্মই গৌৰৱপূর্ণ আৰু উজ্জীৱিত ভাৰত-ফিজিয়ান সম্পর্কৰ ভেটি স্থাপন কৰাৰ কথাও মন্ত্ৰীগৰাকীয়ে উল্লেখ কৰে।
https://x.com/PmargheritaBJP/status/1921749145205010452
প্ৰশান্ত মহাসাগৰীয় দ্বীপৰাষ্ট্ৰ ভ্ৰমণৰত দেশৰ বিদেশ ৰাজ্যমন্ত্ৰী পবিত্ৰ মাৰ্ঘেৰিটাই সোমবাৰে ফিজি গণৰাজ্যৰ ৰাষ্ট্ৰপতি লালাবালাভু আৰু প্ৰধানমন্ত্ৰী ৰাম্বুকাৰ সৈতে সুকীয়া সুকীয়াকৈ দুখন বৈঠকত মিলিত হৈ দুয়োখন দেশৰ বিভিন্ন দিশ সম্পৰ্কে আলোচনা কৰে। উল্লেখ্য যে, বিদেশৰ নেতৃবৃন্দক একোখনকৈ বড়ো আৰনায়েৰে সম্ভাষণ জনায় মন্ত্ৰী মাৰ্ঘেৰিটাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
