প্রধানমন্ত্ৰীৰ প্ৰিয় এই পাচলি খালেই বাঢ়ে ৰোগ প্ৰতিৰোধ ক্ষমতা, কি কি উপকাৰী গুণ আছে এই পাচলিৰ?

প্ৰধানমন্ত্ৰী নৰেন্দ্ৰ মোদী নিৰামিষভোজী৷ কিন্তু তেওঁৰ ডায়েটত খুবেই আচৰিত কিছু খাদ্য থাকে৷ তেওঁ মাছৰুম খাই খুবেই পছন্দ কৰে৷ কেৱল মাছৰুমেই নহয়, ছজিনাও তেওঁৰ খাদ্য তালিকাত থাকে৷ কিন্তু কিয় ডায়েটত ছজিনা ৰাখে নৰেন্দ্ৰ মোদীয়ে জানিলে আচৰিত হব আপুনি৷ ছজিনাত থাকে ভৰপুৰ ভিটামিন, মিনাৰেল আৰু এণ্টিঅক্সিডেণ্ট৷ নিয়মিত ছজিনা খালে শৰীৰৰ বিভিন্ন সমস্যা দূৰ হয়৷

ৰোগ প্ৰতিৰোধ ক্ষমতা বৃদ্ধি কৰে

ছজিনাত প্ৰচুৰ পৰিমানে ভিটামিন চি আৰু এণ্টিঅক্সিডেণ্ট থাকে৷ ভিটামিন চিয়ে শৰীৰৰ ৰোগ প্ৰতিৰোধ ক্ষমতা বঢ়োৱাত সহায় কৰে৷ যিয়ে বিভিন্ন ধৰণৰ সংক্ৰমণ আৰু ৰোগৰ বিৰুদ্ধে যুঁজ কৰে৷ এণ্টিঅক্সিডেণ্টে শৰীৰৰ কোষক ফ্ৰি ৰেডিকেলৰ পৰা ৰক্ষা কৰে, যিয়ে শৰীৰৰ ৰোগ প্ৰতিৰোধ ব্যৱস্থাক আৰু শক্তিশালী কৰি তোলে৷ নিয়মিত ছজিনা খালে সাধাৰণ চৰ্দি, কাঁহ আৰু ফ্লুৰ দৰে সংক্ৰমণৰ পৰা ৰক্ষা পোৱা যায়৷

হজম শক্তিৰ উন্নতি হয়

ছজিনা ফাইবাৰৰ উৎস৷ ফাইবাৰে হজম ক্ষমতা বঢ়াই আৰু কোষ্টকাঠিন্য দূৰ কৰাত সহায় কৰে৷ ই খাদ্যনলী পৰিষ্কাৰ ৰখাত সহায় কৰে৷ ছজিনাই পেটৰ সমস্যা যেনে গেছ, পেট ফুলা আৰু বদহজম কমোৱাত সহায় কৰে৷ ইয়াৰোপৰি পেটৰ আলছাৰ আৰু গেষ্ট্ৰাইটিজৰ দৰে সমস্যাৰ পৰাও আৰাম দিব পাৰে৷ নিয়মিত ছজিনা খালে হজম প্ৰক্ৰিয়া ভাল হয় আৰু পেট সুস্থ থাকে৷

ৰক্ত শৰ্কৰাৰ মাত্ৰা নিয়ন্ত্ৰণ কৰে

ছজিনাত তেজৰ শৰ্কৰাৰ মাত্ৰা নিয়ন্ত্ৰণত সহায় কৰে৷ ইয়াত ক্লোৰোজেনিক এছিড থাকে যিয়ে ইনছুলিনৰ কাৰ্যকাৰিতা বঢ়োৱাত সহায় কৰে আৰু তেজত গ্লুকজৰ মাত্ৰা নিয়ন্ত্ৰণত ৰাখে৷ ডায়বেটিছ ৰোগীৰ বাবে ছজিনা খুবেই উপকাৰী, কাৰণ ই প্ৰাকৃতিক উপায়েৰে তেজত শৰ্কৰাৰ পৰিমাণ কমোৱাত সহায় কৰে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ