অভিনেতা ছেইফৰ ৩ ঠাইৰ সম্পত্তিৰ পাকিস্তান কানেকচন, এতিয়া হ’ব একচন
বলীউডৰ অভিনেতা ছেইফ আলী খানৰ তিনি ঠাইৰ সম্পত্তিৰ সন্দৰ্ভত এক নতুন তথ্য প্ৰকাশ। এই তিনি সম্পত্তিৰ আছে পাকিস্তান কানেকচন। যাৰ বাবে এই তিনি সম্পত্তি শত্ৰুৰ সম্পত্তিৰ অধীনলৈ যাব।
এই তিনি সম্পত্তিৰ ভিতৰত ভূপাল, ছিহোৰ আৰু ৰাইজেনৰ কোটি কোটি মূল্যৰ সম্পত্তি অন্তৰ্ভুক্ত। গৃহ পৰিক্ৰমা মন্ত্ৰালয়ৰ কাষ্টোডিয়ান অৱ এনিমি প্ৰপাৰ্টি (চিইপিআই) য়ে ২০২৫ চনৰ ৮ মে’ৰ এখন পত্ৰযোগে ছেইফৰ আজোককাক নবাব হামিদুল্লাহ খানৰ দুই কন্যা ছৈইফৰ আইতাক আবিদা আৰু আফতাব বেগম পাকিস্তানৰ নাগৰিক বুলি জানিবলৈ দিয়ে।
পাকিস্তানৰ নাগৰিক হোৱা হেতুকে ভাৰতত থকা দুয়োৰে সম্পত্তিবোৰ যিবোৰ যদিও বংশ হিচাপে ছৈইফে লাভ কৰিছে, তথাপি সেই সম্পত্তি শত্ৰুৰ সম্পত্তি বুলি ঘোষণা কৰা হৈছে।
এই তথ্য সমাজকৰ্মী অমিতাভ অগ্নিহোত্ৰীৰ অভিযোগৰ ওপৰত দিয়া হৈছে। এতিয়া চি ই পি আইৰ দলটোৱে এক সমীক্ষা চলাই আছে। অগ্নিহোত্ৰীয়ে দাবী জনাইছে যে ১৯৪৯ চনৰ একত্ৰীকৰণ চুক্তিৰ মূল প্ৰতিলিপি নবাব পৰিয়ালৰ পৰা বিচাৰিব লাগে আৰু দাখিল নকৰিলে সম্পত্তি জব্দ কৰিব লাগে।
উচ্চ ন্যায়ালয়ত দাখিল কৰা মালা শ্ৰীবাস্তৱৰ প্ৰতিবেদন অনুসৰি ভূপাল আৰু ইয়াৰ আশে-পাশে থকা অঞ্চলৰ প্ৰায় ৫৫০ একৰ মাটি নবাব পৰিয়ালৰ নামত পঞ্জীয়ন কৰা হৈছিল, যিটো ব্যক্তিগত সম্পত্তি নাছিল।
এম এইচ এৰ প্ৰতিবেদন অনুসৰি ভাৰতত পাকিস্তানীৰ মুঠ ১২,৯৮৩ সম্পত্তি আছে। এই সকলোবোৰ শত্ৰুৰ সম্পত্তিৰ অধীনলৈ আহে। এই সম্পত্তিসমূহ শত্ৰুৰ সম্পত্তিৰ কাষ্টডিয়ান, চিইপিআইৰ ওচৰত। ইয়াৰে অধিকাংশ সম্পত্তি উত্তৰ প্ৰদেশ (৫৬৮৮) আৰু পশ্চিম বংগ (৪৩৫৪)ত অৱস্থিত।
পাছে কি এই শত্ৰুৰ সম্পত্তি? শত্ৰুৰ সম্পত্তি ভাৰতৰ পৰা পাকিস্তান বা চীনলৈ প্ৰব্ৰজন কৰা লোকৰ সম্পত্তি , যি সম্পত্তি ভাৰতত এৰি থৈ গৈছিল। ভাৰত চৰকাৰে এই সম্পত্তিবোৰক শত্ৰুৰ সম্পত্তি বুলি ঘোষণা কৰিছিল আৰু এইবোৰক চিইপিআইৰ তত্বাৱধানত ৰখা হৈছে।
১৯৬৮ চনৰ শত্ৰুৰ সম্পত্তি আইন অনুসৰি শত্ৰুৰ সম্পত্তি মূল মালিক বা তেওঁৰ উত্তৰাধিকাৰীয়ে হস্তান্তৰ বা পুনৰ দাবী কৰিব নোৱাৰে।
শত্ৰুৰ সম্পত্তি বিক্ৰী, লিজ বা অন্য কোনো ধৰণে ব্যৱহাৰ কৰাৰ অধিকাৰ চিইপিআইয়ে সংৰক্ষণ কৰে। ২০১৭ চনত শত্ৰুৰ সম্পত্তি আইন সংশোধনীৰ পিছত ভাৰতীয় নাগৰিক হোৱা আইনী উত্তৰাধিকাৰীয়ে শত্ৰুৰ সম্পত্তিৰ ওপৰত কোনো দাবী নাথাকে আৰু তেওঁলোকৰ নিষ্পত্তিৰ ক্ষেত্ৰত ক্ষতিপূৰণৰ অধিকাৰী নহয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
