ভাৰতীয় ৰে’লত যাতে কোনো ছাইবাৰ আক্ৰমণ নহয় তাৰ বাবে বিশেষ পদক্ষেপ লোৱা হৈছে৷ ইণ্ডিয়া টুডেৰ খবৰ অনুসৰি এইবিষয়ে নতুন দিল্লীৰ ৰে’ল ভৱনত এক বিশেষ বৈঠক অনুষ্ঠিত হৈছিল৷ এই কামত খৰচ হ’ব প্ৰায় ৬০০ কোটি টকা৷ দেশক ৰক্ষা কৰিবলৈ হ’লে ছাইবাৰ আক্ৰমণৰ পৰা বাচিব লাগিব৷ ভাৰতীয় ৰে’লৰ যি নেটৱৰ্ক সেয়া সমগ্ৰ দেশজুৰি আছে সেয়ে তাৰ ওপৰত সেয়ে নজৰ আছে ছাইবাৰ হেকাৰসকলক৷ তাৰ ফলত ৰে’লযাত্ৰীসকলৰ মাজত সমস্যাৰ সৃষ্টি হব পাৰে বুলি পূৰ্বৰে পৰাই সতৰ্ক হ’ব খুজিছে ৰে’ল বিভাগ৷
ভাৰতীয় ৰে’লৰ সমস্ত ব্যৱস্থাই কম্পিউটাৰ পৰিচালিত৷ ইয়াক অৱশ্যে সহজে হেক কৰিব নোৱাৰি৷ আধুনিক প্ৰযুক্তিৰ সন্মুখত কেৱল সতৰ্কহে হ’ব খুজিছে ভাৰতীয় ৰে’ল বিভাগ৷ সেয়ে তেওঁলোকে এইবাৰ ৰে’লৰ ছাইবাৰ নিৰাপত্তাক লৈ পূৰ্বৰে পৰাই আৰম্ভ কৰিছে কাম৷ ৰে’লৰ এগৰাকী প্ৰাক্তন কৰ্তাই জনাইছে যে ভাৰতীয় ৰে’লৰ টিকট বুকিঙৰ পৰা আৰম্ভ কৰি সমস্ত নিৰাপত্তাৰ ব্যৱস্থা খুবেই সুৰক্ষিত৷ এই সুৰক্ষা ভাঙি দিয়া সহজ কথা নহয়৷ এই কামৰ বাবে দেশৰ কেইবাটাও আগশাৰীৰ প্ৰতিষ্ঠানে কাম কৰি আছে৷ শেহতীয়াকৈ এই ব্যৱস্থা আৰু কটকটীয়া কৰিবৰ বাবে ছাইবাৰ ছিকিউৰিটি দিয়াৰ ব্যৱস্থা কৰা হৈছে৷
ভাৰতীয় ৰে’লে বিগত ১০ বছৰত দেশৰ বহু প্লেটফৰ্মক ডিজিটেল কৰিছে৷ ইয়াৰ ফলত গ্ৰাহকৰ সমস্যা কমিছে৷ ৰে’লমন্ত্ৰী অশ্বিনী বৈষ্ণৱে ধাৰণা কৰিছে যে ইলেক্ট্ৰনিক্স আৰু আই টি বিভাগ যদি শক্তিশালী হয় তেতিয়া গ্ৰাহকৰ সুবিধাৰ ওপৰিও ৰে’লৰ নিৰাপত্তা আৰু জোৰদাৰ হৈ পৰিব৷ ভাৰতীয় ৰে’লে দুৰ্ঘটনাৰ পৰা বাচিবলৈ ইতিমধ্যেই কৱচ চিষ্টেম আৰম্ভ কৰিছে৷ এইসমূহ প্ৰধানকৈ দ্ৰুতগতিৰ ট্ৰেইনত আৰম্ভ কৰা হৈছে৷ আই আৰ চি টিচিৰ ৱেবৰ পৰা আৰম্ভ কৰি মোবাইল পৰ্টেল এতিয়া যি হাৰত উন্নত হৈছে তাতে দেখা যায় প্ৰতিদিনে প্ৰায় ১ মিলিয়ন বুকিং কৰিব পাৰি৷ ইয়াৰোপৰি ৰিয়েল টাইম জিপিএছ ট্ৰেকিং সমগ্ৰ দেশত ৰে’লৰ পৰিসেৱাক উন্নত কৰিছে৷ ভাৰতীয় ৰে’লৰ পৰিকাঠামো বৰ্তমান ষ্টিল বা কংক্ৰিটৰ ওপৰত নহয়, ছফ্টৱেৰৰ ওপৰতো নিৰ্ভৰশীল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
