কেন্দ্ৰৰ তথ্য অনুসৰি দেওবাৰ আৰু সোমবাৰে পুনৰ বাঢ়িছে কৰনাৰ সংক্ৰমণ। সোমবাৰে কেন্দ্ৰই জনাইছে যে দেশত হাজাৰৰ ঘৰ অতিক্ৰম কৰিছে কৰনা সংক্ৰমণে। সোমবাৰৰ পৰিসংখ্যা অনুসৰি দেশত কৰনা সংক্ৰমণৰ সংখ্যা আছিল ১০০৯জন। মঙলবাৰে বৰ্তমানলৈকে পোৱা তথ্য অনুসৰি এই সংখ্যা হৈছে ১০১০ জন।
১৯ মেৰ পাছতেই দেশত সংক্ৰমিত হৈছে ৭৫৩ জন লোক। তথ্যমতে নতুন ঢৌৰ সংক্ৰমণৰ সংখ্যা সৰ্বাধিক কেৰালাত। সেই ৰাজ্যত এই মুহূৰ্তলৈকে সংক্ৰমিতৰ সংখ্যা ৪৩০ জন। ১৯ মেৰ পাছত আকৌ সংক্ৰমণ বাঢ়িছে ৩৩৫জনৰ। মহাৰাষ্ট্ৰত সংক্ৰমিতৰ সংখ্যাই ২১০ পাৰ কৰিছে। ১৯ মেৰ পাছত মহাৰাষ্ট্ৰত নতুনকৈ আক্ৰান্ত হৈছে ১৫৪ জন। দিল্লীত মুঠ সংক্ৰমিতৰ সংখ্যা ১০৪ জন। ১৯ মেৰ পাছত নতুনকৈ আক্ৰান্ত হৈছে ১৯ জন। গুজৰাটত ১৯ মেৰ পাছত নতুনকৈ মুঠ ৭৬ জন আক্ৰান্ত হৈছে। সেই ৰাজ্যত মুঠ সংক্ৰমিতৰ সংখ্যা ৮৩জন।
সৰ্বভাৰতীয় সংবাদ মাধ্যম সূত্ৰৰ খবৰ অনুসৰি ২০২৫ চনৰ ভিতৰত কেৰালাত সম্প্ৰতি কৰনাত মৃত্যু হৈছে এজনৰ। কৰনাৰ নতুন ঢৌৰ মাজতেই ভাৰতত পোৱা গৈছে সংক্ৰমণৰ নতুন ভেৰিয়েণ্ট। শনিবাৰে এন বি ১.৮.১ আৰু এল এফ ৭ৰ চাৰি ধৰণৰ ভেৰিয়েণ্টৰ সন্ধান পাইছে বিজ্ঞানীয়ে।
২০২৫ চনৰ মে পৰ্যন্ত বিশ্ব স্বাস্থ্য সংস্থা এল এফ ৭ আৰু এন বি ১.৮.১ ছাবভেৰিয়েণ্টসমূহক ভেৰিয়েণ্টৰ আণ্ডাৰ মনিটৰিং হিচাপে শ্ৰেণীবদ্ধ কৰা হৈছে। ভেৰিয়েণ্ট অফ কনচাৰ্ণ বা ভেৰিয়েণ্ট অফ ইণ্টাৰেষ্ট হিচাপে নহয়। কিন্তু চীন আৰু এছিয়াৰৰ নানান স্থানত এই ভেৰিয়েণ্টৰ সন্ধান ইতিমধ্যেই পোৱা গৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
