বিধ্বংসী বানৰ পৰা কেদাৰনাথ মন্দিৰক ৰক্ষা কৰিছিল এটা বিশালকায় শিলে! কিন্তু ক’ৰ পৰা কেনেকৈ নামি আহিছিল এই ঈশ্বৰৰ পাথৰ?

হিন্দুধৰ্মত এটি অত্যন্ত গুৰুত্বপূৰ্ণ তীৰ্থস্থান হৈছে কেদাৰনাথ৷ উত্তৰাখণ্ডৰ চাৰধামৰ অন্যতম এই মন্দিৰ৷ মন্দাকিনী নদীৰ ধাৰত অৱস্থিত এই তীৰ্থস্থানত মহাদেৱ স্বয়ম্ভূ হৈছিল বুলি শাস্ত্ৰত উল্লেখ আছে৷ ২০১৩ চনৰ বিধ্বংসী বানত মাৰাত্মকভাৱে ক্ষতিগ্ৰস্থ হৈছিল এই তীৰ্থক্ষেত্ৰ৷ ১০০ বছৰীয়া ইতিহাসত এনে বিধ্বংসী প্ৰাকৃতিক দুৰ্যোগ উত্তৰাখণ্ডত কাহানিও অহা নাছিল৷ ২০১৩ চনৰ বিধ্বংসী বানে তচনচ কৰি পেলাইছিল কেদাৰনাথৰ চৌপাশ৷ সকলো শেষ হৈ গ’লেও আশ্চৰ্যজনকভাৱে বাচি গৈছিল কেদাৰনাথ মন্দিৰ৷ মন্দিৰৰ গাত এটা আঁচোৰো পৰা নাছিল এই বানৰ৷ অথচ মন্দিৰৰ পিছফালে থকা পাহাৰৰ পৰাই নামি আহিছিল পানীৰ ঢল৷

এটা বিশালকায় শিল পাহাৰৰ পৰা নামি আহি কেদাৰনাথ মন্দিৰৰ ঠিক পিছফালে ৰৈ যায়৷ এই শিলেই ওপৰৰ পৰা নামি অহা পানীৰ ঢল মন্দিৰৰ গাত লাগিবলৈ নিদিলে৷ এই শিলটোক তেতিয়াৰে পৰাই ভীম শিলা নামেৰে এই শিল পৰিচিত৷ কেদাৰনাথলৈ যোৱা হাজাৰ হাজাৰ যাত্ৰীৰ প্ৰায়সংখ্যকেই এই বিপৰ্যয়ত প্ৰাণ হেৰুৱাইছিল৷ বাচি গৈছিল কেৱল মন্দিৰৰ ভিতৰত থকা কেইশমান লোকহে৷ পাছলৈ সেইসকল লোকক হেলিকপ্টাৰেৰে তললৈ নমাই অনা হয়৷ এয়াৰলিফ্ট নকৰা পৰ্যন্ত জীয়াই থকা তীৰ্থযাত্ৰীসকলে মন্দিৰ প্ৰাংগনৰ ভিতৰতে আশ্ৰয় লৈ আছিল৷ কিন্তু এই বিপৰ্যৰ মাজতে ক’ৰ পৰা কেনেকৈ এটা শিল নামি আহিছিল সেই লৈ বিজ্ঞানীমহলে চলাইছিল বিশেষ পৰীক্ষা৷ কিন্তু আচৰিত ধৰণে পৰীক্ষাত কোনোধৰণৰ তথ্য লাভ কৰা নাছিল বিজ্ঞানীয়ে৷ এই  দুৰ্যোগক সেয়ে ভগৱানৰেই লীলা বুলি মানি লৈছিল বহুসংখ্যক লোকেই৷ উত্তৰাখণ্ডৰ বহু লোকেই আকৌ এই দুৰ্যোগৰ কাৰণ কি সেই কথাও বাখ্যা কৰিছে৷

এই দুৰ্যোগক কুসংস্কাৰেই ক’ব নে ক-ইনছিডেঞ্চ ক’ব সেয়া আপোনাৰ নিজা সিদ্ধান্ত৷ আনহাতে উত্তৰাখণ্ডৰ একাংশ লোকে দাবী কৰে যে, দেৱীয়ে কালৰূপ ধাৰণ কৰি এই ধ্বংসকাৰ্য চলাইছিল৷ অৰ্থাৎ দেৱীয়ে প্ৰতিশোধ লৈছিল৷ কিন্তু কিয় দেৱী ক্ষুদ্ধ হৈছিল? ১৬ জুনৰ সন্ধিয়া এটা জলবিদ্যুৎ প্ৰকল্পৰ বাবে শ্ৰীনগৰৰ গড়ৱালৰ কাষত অৱস্থিত এটা প্ৰাচীন মন্দিৰৰ পৰা দেৱীৰ মূৰ্তি পেলাই দিয়া হৈছিল৷ মূৰ্তিটো আঁতৰাই দিয়াৰ কেইঘণ্টামান পাছতেই কেদাৰনাথত হঠাৎ ডাৱৰ বিস্ফোৰণ ঘটে৷ সেই বিস্ফোৰণৰ ফলত সম্পূৰ্ণৰূপে শেষ হৈ যায় কেদাৰনাথৰ চৌপাশৰ লগতে কেইবাখনো গাওঁ৷ শেষ হৈ যায় ৬০০০ গৰাকী লোকৰ জীৱন৷

ভিএইচপি প্ৰধান অশোক সিংগালে কৈছিল, ‘জলবিদ্যুৎ প্ৰকল্পৰ বিৰুদ্ধে প্ৰতিবাদ কৰিছিল বহুলোকে৷ মূৰ্তিটো উঠাই দিয়াৰ বাবে বিৰোধীতা কৰিছিল বহুজনে৷ কিন্তু ১৬ তাৰিখে সকলোবোৰ বাধা নেওচি বিশেষ মন্দিৰটোৰ পৰা দেৱীৰ মূৰ্তিটো আঁতৰাই দিয়া হয়৷ আৰু সেই স্থানত জলবিদ্যুৎ প্ৰকল্পৰ বিশেষ কাৰ্যালয় নিৰ্মাণৰো পৰিকল্পনা কৰা হৈছিল৷ এই ঘটনাক লৈ সেয়ে ক্ষোভ উজাৰি দেৱীয়ে ধ্বংস কৰি পেলাইছিল কেদাৰনাথ চৌহদ৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ