হিনা খানৰ পাছত এইবাৰ কেঞ্চাৰত আক্ৰান্ত দীপিকা কক্কড়, ষ্টেজ ২ লিভাৰ কেঞ্চাৰ
টেলিভিচন জগতৰ জনপ্ৰিয় অভিনেত্ৰী দীপিকা কক্কড়ৰ ফালৰ পৰা আহিছে এক দুখজনক খবৰ। টিভি অভিনেত্ৰী হিনা খানৰ পাছত এইবাৰ দীপিকা কক্কড় কেঞ্চাৰত আক্ৰান্ত বুলি ধৰা পৰিছে।
‘ছছুৰাল সিমৰ কা’ ধাৰাবাহিকত সিমৰৰ চৰিত্ৰত অভিনয় কৰি দেশৰ জনতাৰ প্ৰিয় হৈ পৰিছিল দীপিকা । পাছত বিগ-বছ ১২ চিজনো জয়ী হৈ আৰু অধিক জনপ্ৰিয় হৈ পৰে। শেষবাৰৰ বাবে লাফটাৰ কুকিঙ অনুষ্ঠানত দেখা গৈছিল দীপিকাক।
সেই দীপিকাৰ স্বামী শোৱেব ইব্ৰাহিমে সদৰি কৰিছে পত্নীৰ কেঞ্চাৰৰ কথা। দীপিকা লিভাৰ টিউমাৰৰ দ্বিতীয় পৰ্যায়ৰ কেঞ্চাৰত আক্ৰান্ত।
দীপিকাৰ কেঞ্চাৰৰ বিষয়ে জনাৰ লগে লগে বহু সহকৰ্মীয়ে সাহস দিছে দীপিকাক। গোহৰ খান, মেঘা দাণ্ডে, গৌৰৱ খান্না, ছছুৰাল সিমৰ কা টিমৰ সদস্য সকলে সামাজিক মাধ্যমত পোষ্ট লিখি সকলোৱে দীপিকাৰ হৈ প্ৰাৰ্থনা কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
