মেঘালয়ত হানিমুনতে সকলো পৰিকল্পনা, পত্নী সোনমেই কৰিছিল সকলো, অৱশেষত পৰিল ধৰা
দেশজুৰি চাঞ্চল্যৰ সৃষ্টি কৰা মেঘালয়ত হনীমুন কৰিবলৈ আহি সন্ধানহীন হোৱা ইন্দোৰৰ স্বামী-স্ত্ৰী ঘটনাৰ অৱশেষত পত্নীৰ সন্ধান ওলাল। এই বৃহৎ সফলতা অৰ্জন কৰিছে মেঘালয় আৰক্ষীয়ে। লগতে আৰক্ষীৰ ডাঙৰ খোলোচা। পত্নী সোনমেই কৰিছিল সকলো পৰিকল্পনা।
স্বামী ৰাজা ৰঘুবংশীক মেঘালয়তে মানুহ লগাই হত্যা কৰি নিজে পলাই গৈছিল। কিন্তু সাৰি যাব ক’ত। বহুদিনৰ পাছত অৱশেষত সন্ধান ওলাল পত্নী সোনমৰ। মধ্যপ্ৰদেশৰ গাজীপুৰৰ পৰা সন্ধান ওলাল ইমানদিনে সন্ধানহীন হৈ থকা পত্নী সোনৰ।
মেঘালয় আৰক্ষীয়ে আটক কৰে পত্নী সোনমক। তথ্য অনুসৰি এই গোচৰত আৰু তিনিজন লোকক গ্ৰেপ্তাৰ কৰা হৈছে।
আৰক্ষীয়ে ১৬ দিন ধৰি এই চাঞ্চল্যকৰ গোচৰটোৰ তদন্ত অবিৰতভাৱে চলাই আছিল, তাৰ পিছত এতিয়া পোহৰলৈ আহিছে সকলো।
মেঘালয়ৰ ডিজিপিয়ে দাবী কৰিছে যে সেই গোচৰত ৪ জন লোকক গ্ৰেপ্তাৰ কৰা হৈছে। তেওঁ লগতে কয় যে পত্নীগৰাকীয়েই ভাড়াতীয়া হত্যাকাৰীক ফোন কৰি এই হত্যাকাণ্ড সংঘটিত কৰাৰ বাবে যোগাযোগ কৰিছিল।
উল্লেখ্য যে, ১১ মে’ত উত্তৰ প্ৰদেশৰ ইন্দোৰত ৰাজা আৰু সোণম ৰঘুবংশীৰ বিবাহ হৈছিল। বিয়াৰ মাত্ৰ ৯ দিনৰ পাছত ২০ মে’ত দুয়ো হানিমুনৰ বাবে মেঘালয় আহিছিল।
২৩ মে’ত শ্বিলঙৰ নংৰিয়াট গাঁৱৰ ডাবল ডেকাৰ লিভিং ৰুট ব্ৰীজ পৰিদৰ্শন কৰাৰ পিছত হঠাতে সন্ধানহীন হৈ পৰিছিল দুয়ো। ২৪ মে’ত ছ’হৰাৰ সমীপত পৰিত্যক্ত অৱস্থাত উদ্ধাৰ হৈছিল তেওঁলোকৰ ভাড়াতীয়া স্কুটি।
২ জুনত ৱাইছাৱাডং জলপ্ৰপাতৰ সমীপৰ এটা খাৱৈত ৰাজাৰ মৃতদেহ উদ্ধাৰ হৈছিল, যিটো তেওঁৰ হাতত থকা ‘ৰাজা’ টেটুৰ দ্বাৰা চিনাক্ত কৰা হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
