গুজৰাটত সংঘটিত বিমান দুৰ্ঘটনাত বিমানখনত আছিল প্ৰাক্তন মুখ্যমন্ত্ৰী
কেৱল জুই আৰু কলা ধোৱাই আগুৰি ধৰিছে সমগ্ৰ অঞ্চল। জুইত অগ্নিদ্বগ্ধ হৈ পৰা মানুহৰ মৃতদেহ লগতে গুৰুতৰভাৱে আহত লোকক কঢ়িয়াই নিয়া দৃশ্যই এতিয়া হৃদয় কঁপাই তুলিছে সকলোৰে।
যাত্ৰাৰ মাথো কেইটামান মুহুৰ্তৰ পাছতে ১৫ কিলোমিটাৰ যোৱাৰ পাছতে দুজন পাইলট, ৮ জন ক্ৰু মেম্বাৰ লগতে ২৪২ যাত্ৰীসহ দুৰ্ঘটমাত পতিত বিমানখন।
বিমানখনৰ সকলো লোকেই এই দুৰ্ঘটনাত প্ৰাণ হেৰুৱাৰ আশংকা। তাৰে মাজতে আহিছে আন এক ভয়ংকৰ খবৰ, দুৰ্ঘটনা সংঘটিত হোৱা বিমানখনত যাত্ৰাৰ সময়ত আছিল গুজৰাটৰ প্ৰাক্তন মুখ্যমন্ত্ৰী বিজয় ৰূপানী।
২৪২ যাত্ৰীৰ সৈতে বিজয় ৰূপানীয়ে যাত্ৰা কৰিছিল ইংলেণ্ডলৈ বুলি। ইংলেণ্ডত পৰিয়াল আছিল বিজয় ৰূপানীৰ। পাছে বৰ্তমানলৈ কোনো খবৰ লাভ কৰা হোৱা নাই বিজয় ৰূপানী সন্দৰ্ভত। অন্য এজনো যাত্ৰীৰ আপডেট লাভ কৰা হোৱা নাই।
চৰ্দাৰ বল্লভভাই পেটেল আন্তঃৰাষ্ট্ৰীয় বিমানবন্দৰৰ পৰা উৰণৰ মাথো ১৫ কিলোমিটাৰ যোৱাৰ পাছতে অট্টালিকাত খুন্দা মাৰি ভয়ংকৰ বিস্ফোৰণ হৈ জুই জ্বলি বিধ্বস্থ হৈ পৰে বিমানখন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
