আহমেদাবাদ আদানী গোষ্ঠী পৰিচালিত বিমানবন্দৰৰ কাষতেই ভাঙি পৰিছে বিমানখন৷ বিমানখনৰ দুৰ্ঘটনাক লৈ শোকপ্ৰকাশ কৰিছে গৌতম আদানীয়ে৷
বিমানখনে উৰণৰ পাছতেই যান্ত্ৰিক বিজুতি ঘটে৷ বিমানখনে গৈ লোকালয়ৰ মাজত থকা চিকিৎসক হোষ্টেলত খুন্দা মাৰে৷ লগে লগেই সমগ্ৰ এলেকা কলা ধোঁৱাই আৱৰি ধৰে৷ এই দুৰ্ঘটনাত ৫০গৰাকী জুনিয়ৰ চিকিৎসকৰ মৃত্যু হোৱা বুলি জানিব পৰা গৈছে৷ আহত হৈছে প্ৰায় ১৫ গৰাকী জুনিয়ৰ চিকিৎসক৷
বিমানখনত থকা বিমানকৰ্মীৰ তালিকাও প্ৰকাশ কৰিছে এয়াৰ ইণ্ডিয়াই৷ এয়াৰ ইণ্ডিয়াৰ তথ্যমতে বিমানত থকা যাত্ৰী বাচি থকাৰ সম্ভাৱনা তেনেই ক্ষীণ৷ বিমানখনত ১০গৰাকীকৈ ক্ৰুৰ মেম্বাৰ আছিল৷ বিমানত আছিল ফাৰ্ষ্ট অফিচাৰ ক্লাইভ কুন্দৰ, কেপ্টেইন সুমিত ছভৰোৱাল, অপৰ্ণা মহাদিক, শ্ৰদ্ধা ধাৱান, দীপক পাঠক, ইৰফান শ্বেখ, নানথেম সিংসেন, মৈথিলি পেটেল আৰু মণীষা থাপা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
