জগন্নাথৰ ৰথযাত্ৰা এক অত্যন্ত পবিত্ৰ উৎসৱ৷ ৰথৰ সপোন দেখা অত্যন্ত শুভ বুলি ধাৰণা কৰা হয়৷ ৰথ যিহেতু এক যাত্ৰা আৰু অগ্ৰগতিৰ প্ৰতীক সেয়ে ৰথৰ সপোনে আপোনাৰ জীৱনলৈ শুভ পৰিবৰ্তন, উন্নতি আৰু সাফল্যৰ ইংগিত বহন কৰে৷ সপোনত ৰথ দেখাৰ অৰ্থ আপোনাৰ দীৰ্ঘদিনীয়া কোনো ইচ্ছা পূৰণ হবলৈ গৈ আছে৷ অথৱা আপুনি কোনো নতুন আৰু ইতিবাচক দিশত আগুৱাই গৈছে৷ যিসকলে কৰ্মজীৱনত উন্নতিৰ আশা কৰিছে তেওঁলোকৰ বাবে এই সপোনে পদোন্নতি বা নতুন সুযোগৰ ইংগিত বহন কৰে৷
সম্পদৰ জোৱাৰ আহিব জীৱনলৈ
ৰথক যিহেতু ঈশ্বৰৰ বাহন হিচাপে চোৱা হয় সেয়ে এই সপোনক ঐশ্বৰিক আশীৰ্বাদ বা সুৰক্ষাৰ প্ৰতীক হিচাপেও বাখ্যা কৰা হয়৷ সেয়ে সপোনত ৰথ দেখাৰ অৰ্থ আপুনি কোনো কঠিন পৰিস্থিতিৰ পৰা মুক্তি পাবলৈ আগবাঢ়িছে বা আপোনাৰ জীৱনলৈ শান্তি আৰু সমৃদ্ধি আহিব পাৰে৷ যদি আপুনি মানসিক বা শাৰীৰিক কোনো সমস্যাত ভূগি আছে তেন্তে এই সপোনৰ পৰা মুক্তিৰ ইংগিতো হব পাৰে৷
যদি ভঙা ৰথ দেখে
সপোনশাস্ত্ৰ বিশদ বাখ্যা অনুসৰি এই সপোন তৎকালীন মানসিক অৱস্থাৰ ওপৰত নিৰ্ভৰ কৰে৷ যেনে যদি আপুনি ৰথক নিৰ্বিঘ্নে চলি থকা দেখে তেন্তে এয়া অত্যন্ত শুভ৷ কিন্তু যদি ৰথ ৰৈ যোৱা বা ভাঙি পৰা দেখে তেন্তে কিছু বাধা বা সমস্যাৰ ইংগিত সেয়া৷ সাধাৰণতে এই সপোনক অশুভ হিচাপে চোৱা হয়৷ বৰং এয়া ভৱিষ্যতৰ বাবে এক সতৰ্কবাৰ্তা বা প্ৰস্তুতি লোৱাৰ ইংগিতো হব পাৰে৷ অৰ্থাৎ ৰথ চলা দেখিলে সেয়া অত্যন্ত শুভ৷ আপোনাৰ ভৱীষ্যতো ৰথৰ চকাৰ দৰেই ঘূৰিবলৈ গৈ আছে তাৰেই ইংগিত৷ কিন্তু ভঙা ৰথ বা ৰথ ৰৈ যোৱা দেখিলে সেয়া অশুভ ইংগিত হব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
