ভোকাতুৰ সিংহ বুমৰাহ! একেকোবে ল’লে ৩ টা উইকেট, পিছ পেলালে কপিল দেৱক
বুমৰাহ মানেই যেন খেলপথাৰত যাঁদু। বলিঙত যেন এতিয়া অদ্বিতীয় ভাৰতীয় বলাৰ গৰাকী। আজি ১১ জুলাই তাৰিখে লৰ্ডছত অনুষ্ঠিত হৈ আছে তৃতীয় টেষ্টৰ দ্বিতীয় দিন। ইংলেণ্ডে বৰ্তমানে বেটিং কৰি আছে।
পাছে আজি দ্বিতীয় দিনাৰ খেল আৰম্ভ হোৱাৰ কিছু সময় পাছতে বুমৰাহৰ হাতলৈ আহি ৩ টাকৈ উইকেট। ভোকাতুৰ সিংহৰ দৰে ইংলেণ্ডৰ ওপৰত জপিয়াই পৰে বুমৰাহ তাৰে ২ টা বেক টু বেক উইকেট দখল কৰি একে কোবেই পিছ পেলালে কপিল দেৱক। এতিয়া মুঠ ৪ টা উইকেট বুমৰাহৰ হাতত।
এতিয়া টেষ্টত এক অপ্ৰতিৰোধ্য যশপ্ৰিত বুমৰাহ। ইংলেণ্ডৰ পথাৰত সৰ্বাধিক উইকেট লোৱাৰ ক্ষেত্ৰত শীৰ্ষত আছে ইশান্ত শৰ্মা। ইশান্তে ১৫ খন টেষ্টত ৫১ টা উইকেট দখলেৰে শীৰ্ষত। এই তালিকাৰ দ্বিতীয়ত আছিল কপিল দেৱ। পাচে এতিয়া কপিল দেৱক পিছ পেলাই দ্বিতীয় উন্নীত হৈছে বুমৰাহ।
কপিল দেৱে ১৩ খন টেষ্টত ৪৩ টা উইকেট দখল কৰিছিল। যি এতিয়া তৃতীয় স্থানলৈ অৱনমিত হৈছে। এতিয়া বুমৰাহে মাথো ১১ খন টেষ্ট খেলতেই ৪৬ টা উইকেট দখল কৰি দ্বিতীয় উঠে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
