৪ দিন ICUত থকাৰ পাছত শেষ নিশ্বাস ত্যাগ ছামিউলৰ, সামান্য আঘাত পোৱা বুলি উল্লেখ কৰিছিল নন্দিনীয়ে
নন্দিনী কাশ্যপৰ বাহনৰ খুন্দাত বেয়াকৈ আঘাতপ্ৰাপ্ত ছামিউল হকৰ অৱশেষত মৃত্যু। ৪ দিন ধৰি আই চি ইউত থকাৰ পাছত আজি ২৯ তাৰিখে শেষ নিশ্বাস ত্যাগ কৰে ছামিউলে।
এই ছামিউল সন্দৰ্ভতে অভিনেত্ৰী নন্দিনীয়ে উল্লেখ কৰিছিল, সামান্য আঘাত পাইছে ছামিউলে। পাছে সেই সামান্য আঘাত পোৱা ছামিউলে আজি মৃত্যুৰ শীতল কোলাত ঢলি পৰে।
দুৰ্ঘটনা সংঘটিত হোৱাৰ পাছতে গুৱাহাটী মেডিকেল কলেজ হাস্পতালৰ ইমাৰজেঞ্চী বিভাগত ভৰ্তি কৰোৱা হৈছিল ছামিউলক। পাছত পিছদিনাই খ্ৰীষ্টানবস্তিস্থিত এপ’ল’ হাস্পতাললৈ প্ৰেৰণ কৰা হৈছিল ছামিউলক ।
সেই দিনৰে পৰা ৪ দিন ধৰি এপ’ল’ হাস্পতালৰ আই চি ইউ বেডত পৰি আছিল ছামিউল। নন্দিনীৰ ভাষাৰে সামান্য আঘাত পোৱা ছামিউলৰ পাছে দুৰ্ঘটনাটোত দুয়োখন ভৰি ভঙাৰ লগতে, মূৰত ২৭টা চিলাই, সোঁহাতৰ গাঁঠি ভঙা, পেটত তেজ জমা হোৱা আদি সমস্যাৰে আই চি ইউত ভৰ্তি হৈ আছিল।
আনহাতে দুবছৰত অভাৰ স্পীডৰ বাবেই ৫ বাৰকৈ ফাইন ভৰিছিল নন্দিনী কাশ্যপে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
